Fadderordninga i Bergen

Vi oppfordrar deg til å ta del i mykje av det som skjer i faddergruppa og fadderveka, slik at du fort blir kjent med andre!

Som ny student kan du bli del av ei studiumvis faddergruppe, med ein 2. eller 3. årsstudent som din fadder. Dei første dagane blir det ulike sosiale samlingar for faddergruppa, og større samlingar for alle nye studentar.

Vi har ei rekke frivillige som jobbar for at du skal få ein god studiestart. Under faddervekene vil du ha mest kontakt med fadrane dine, og dei vil vere kledde i gule t-skjorter. Alle fadrane er her for deg. Så sjå etter faddervekene-logoen, og ikkje ver redd for å oppsøke oss dersom du lurer på noko!