ING3108 Marintekniske løysingar

Innhald og oppbygging

Emnet gir ein introduksjon til tre ulike tema som har høg relevans for den lokale industrien i Sunnhordland; røyrkonstruksjon, aluminiumkonstruksjonar og hydrauliske system. Studentane vil blant anna jobba med spesielle case og oppgåver som er utarbeida i tett samarbeid med industrien.

Studentane har bakgrunn som fagarbeidarar i industrien. Dei har difor generelt gode kunnskapar om og ferdigheiter på fabrikasjonsprosess og produksjonsmetodar.

 

• Designprosessen: designkriterier iht Trykkdirektivet (PED), røyrarrangement, spenningsberekningar (inkl. statiske og dynamiske laster og design av røyroppheng), ulike standardar/specer for røyr og røyroppheng og materialval (inkl. ventilar, flensar og røyrdelar).
• Fabrikasjons-Engineering: metode, produksjonsvennlege konstruksjonar, lesing/tolking av teikningar (iso-/supportteikningar), jobbpakkar og IT-system.
• Fabrikasjonsprosessen: forståing av prosessen, ulike avhengighetar (internt i fabrikasjonsprosessen og i verdikjeda), metode, dokumentasjon og forståing for kost/inntekt.

 

• Designprosessen: scopeavklaring, kalkulasjonar, modell, teikning og dokumentasjon
• Arbeidsførebuing: materialstyring, jobbpakkar og sveisedokumentasjon
• Fabrikasjon: prefabrikasjon, samanstilling, installasjon, inspeksjon og MC

 

• Hydrauliske system/kretsar: enkle system/kretsar, teikningar og standardar
• Typiske hydrauliske komponentar: pumper, ventilar, sylindrar, tankar, filter, roterande motorar og aktuelle akkumulatorar
• Enkle berekningar/dimensjonering: pumpekapasitet, fortrengingsvolum, verknadsgrad og effektberekningar

Læringsutbytte

Studenten:

• har kjennskap til røyrdesignprosessen, deriblant bruk av standardar, design-kriterier og materialar
• har kjennskap til viktige moment innafor fabrikasjons-engineering i røyrkonstruksjon, slik som metode, produksjonsvennlege konstruksjonar, isometriske teikningar, pipesupport, test-isoar, jobbpakkar og ulike IT-system
• har kjennskap til røyr-fabrikasjonsprosessen (prefabrikasjon, installasjon og trykktesting), i tillegg til ulike avhengighetar, metode, dokumentasjon og kostnadsperspektiv
• har kjennskap til dei viktigaste føremonene og ulempene med aluminium som materiale, og kjenner til ulike korrosjonstiltak mot andre materiale
• har kjennskap til regelverk for aluminium (design & fabrikasjon), kjenner leveranse frå design via arbeidsførebuing til fabrikasjon og kjenner til typiske dokumentasjonskrav i heile prosessen
• har grunnleggjande kunnskapar om komponentar og reguleringsutstyr som blir brukt i hydrauliske system og korleis desse kan setjast saman til funksjonelle system
• kan gjera greie for regulering av pumpekapasitet i hydrauliske system

 

Studenten:

• kan forklara produksjonsprosessen i røyrkonstruksjon frå design til fabrikasjon
• kan vurdera om det er teke omsyn til gjeldande produksjonsmetodar ved design av røyrkonstruksjonar
• kan vurdera viktige moment i produksjonsprosessen av røyrkonstruksjonar ved utarbeiding av jobbgrunnlag
• har grunnleggjande ferdigheiter i teikningslesing
• kan angi den aktuelle produksjonsrekkefølgja i røyrkonstruksjonar, og grunngje denne
• kan planleggja design av ein aluminiumskonstruksjon og ser aluminiumsdesign i lys av kundekrav og interne krav / plassbehov frå andre fag
• kan vurdere material-/profilval og kjenner til viktigheita av materialstyring/oppfølgjing
• kan integrere fabrikasjonsvenlege løysingar i design
• kan designa enkle hydrauliske system med basissamansetning
• kan dimensjonera enkelte hydrauliske komponentar som inngår i systemet

 

Studenten:

• kan reflektera over eige arbeid i eit team, samt planleggja arbeidsoppgåver over tid
• kan identifisera løysingar på problemstillingar innafor fagområdet, bidra til fagleg diskusjon rundt betyding og konsekvens av desse løysingane og leggje fram resultata skriftleg og i form av munnleg presentasjon i plenum
• kan ved hjelp av fagkunnskap setja seg inn i nye produksjonsprosessar og standardar

Krav til forkunnskapar

Ingen

Tilrådde forkunnskapar

Fysikk, Statikk og fastleikslære, Maskinkonstruksjon I, Materiale og tilverknad, Varme- og strøymingslære.

Undervisnings- og læringsformer

Førelesingar, oppgåveløysing, "case" knytt til problemstillingar frå lokale industriaktørar, gruppearbeid.

Studiet er lagt opp som eit samlingsbasert studium med vanleg undervisning (førelesningar, rekneverkstader, lab-øvingar og liknande) kvar tredje veke. I dei to vekene mellom kvar undervisningsveke vert det lagt opp til sjølvstudium og ein del nettbasert undervisning.

I spesielle tilfelle kan undervisninga bli gitt av engelskspråkleg førelesar/gjesteforelesar. Eksamen vil likevel bli gitt på norsk.

Delar av undervisninga kan bli gjennomført i Haugesund.

Obligatorisk læringsaktivitet

Ja. Desse vil bli spesifisert i undervisningsplanen ved semesterstart.

Vurderingsform

Del 1: Prosjekt, tel 50 % på endeleg karakter.

Del 2: Munnleg eksamen, tel 50 % på endeleg karakter.

Begge delane må vere greidd.

Gradert karakter A - E / F (stryk).

Hjelpemiddel ved eksamen

Del 1, prosjekt: alle hjelpemiddel.

Del 2, munnleg eksamen: Høgskulen sin kalkulator (Casio fx-82 Es) vil vera tilgjengeleg for bruk under eksamen.

Meir om hjelpemiddel