OR6-1010 Etikk og samfunnsansvar

Innhald og oppbygging

Gjennom studiet i etikk og samfunnsansvar skal studentane utvikle sjølvstendig kritisk tenking for å skape medvit om korleis val av teoretisk perspektiv påverkar handteringa av etiske dilemma. Studentane skal få kunnskap om grunnleggjande etiske prinsipp og trening i å nytte desse prinsippa på praktiske problemstillingar i organisasjonar. Emnet introduserer kjerneområda innanfor CSR slik dei mellom anna er definerte i den internasjonale rettleiaren ISO:26000, og ser desse i samanheng med interessentteori for å gje studentane ei forståing av kva det inneber for ein organisasjon å ta samfunnsansvar.

Læringsutbytte

Etter fullført emne kan studenten

• gjere greie for sentrale etiske retningar og sentrale problemstillingar rundt samfunnsansvar
• vere istand til å nytte teori om samfunnsansvar, og foreslå løysingar på etiske og miljømessige problemstillingar
• kjenne til korleis og kvifor organisasjonar utarbeidar etiske retningslinjer og nyttar dilemmatrening for å utvikle evna til etisk refleksjon
• gjere greie for samanheng mellom etikk og organisasjonskultur
• skilje moralske grunnar for samfunnsansvar frå instrumentelle og omdømmerelaterte
• kjenne hovudpunkt i diskusjonen om ansvar for miljø og berekraftig utvikling
• bruke etisk teori til å grunngje handlingsval i einskildsaker
• kjenne hovudpunkt innanfor diskusjon omkring økonomisk kriminalitet, korrupsjon og kvitvasking

Krav til forkunnskapar

Ingen ut over opptakskrav, sjå studieplanen.

Undervisnings- og læringsformer

Forelesingar og obligatoriske arbeidskrav.

Obligatorisk læringsaktivitet

Skriftleg innlevering og munnleg presentasjon.

Vurderingsform

Skriftleg eksamen 4 timar.

Bokstavkarakter.