Økonomi og administrasjon | Sogndal

Bachelor

Med bachelor i økonomi og administrasjon får du ei brei og yrkesretta utdanning som opnar for mange moglegheiter innan både privat næringsliv og offentleg forvaltning.

Søk studieplass

Sogndal
3 år
180 studiepoeng
Heiltid
Søknadsfrist
20. april 2022

Poenggrense ved forrige opptak

Opptakskrav

Generell studiekompetanse

Søknadskode i Samordna opptak

203515

Sjå studieplanen 2022/2023

Sjå tidligare bacheloroppgåver

Kva lærer du?

Dei to første studieåra vil du få grunnleggande kunnskap innan samfunnsøkonomi, jus, organisasjon- og leiing, bedriftsøkonomi, rekneskap og marknadsføring. I fjerde semester kan du ta valemne.

I tredje studieår vil du berre ha tre obligatoriske fag: Samfunnsvitskapeleg metode, leiing og bacheloroppgåve. Dette gir deg fridom til å velgje blant fleire spennande valemne som vidaregåande finansregnskap, skatte- og avgiftsrett, prosjektleiing, merkevarestrategi, anvendt finans, Human Resource Management med meir.

Korleis er undervisninga?

Vi har forelesingar, seminar, gruppeøvingar og organiserte kollokviegrupper med rettleiing. Vi koblar teori og praksis gjennom arbeid med relevante problemstillingar.

Kva kan du jobbe med?

Utdanninga passar godt for deg som ønskjer å jobbe med rådgivings- eller spesialistoppgåver knytt til dei økonomiske, organisatoriske eller administrative delane av ein privat eller offentleg organisasjon.

Rådgivings- og spesialistoppgåver knytt til økonomi og administrasjon innan privat næringsliv, som til dømes bank, forsikring, revisjon, konsulentverksemd og reiseliv.
Rådgivings- og spesialistoppgåver knytt til økonomi og administrasjon innan offentleg forvaltning og andre organisasjonar.
Mellomleiar og leiar i privat og offentleg sektor.
Stilling i shippingrelatert verksemd

Etter to års relevant praksis og nokre spesifikke valemne kan du søke Finanstilsynet om autorisasjon som rekneskapsførar. Emna du må velje finn du i studieplanen.

Forkus i matematikk

I veke 32 (8.–12. august) vert det skipa til eit forkurs i matematikk. Me vil på det sterkaste be om at studentar som berre har praktisk matematikk (P-matte) frå vidaregåande deltek på forkurset. Det ordinære kurset (BØA111 Matematikk for økonomar) krev gode førehandskunnskapar i matematikk og byggjer på kunnskapar svarande til S1+S2 frå vidaregåande skule eller tilsvarande. Studentar med dårlege førehandskunnskapar i matematikk, må difor gjera ein ekstra stor arbeidsinnsats i det ordinære matematikkurset.

Studentar som har S- eller R-matte, men likevel kjenner at dei har gløymt mykje av tidlegare kunnskapar i matematikk bør og delta på forkurset. Studentar som nyleg har hatt S- eller R-matte, eller matematikk frå høgskule/universitet, treng derimot ikkje å delta.

Tidspunkt: Frå og med måndag 8.august, til og med fredag 12.august. Alle dagar kl.10.15–15.00.
Stad: Auditorium Sognefjorden (F300).

Påmelding: Det er inga bindande påmelding til forkurset, men me ynskjer at du sender ein e-post til Torbjørn Årethun med overskrift «Forkurs i matematikk». Då får me eit oversyn over kor mange som ynskjer å delta på forkurset.

Vil du studere meir?

Utdanninga kvalifiserer både direkte til arbeidslivet og til vidare studium på masternivå. Du kan ta relevante masterutdanningar ved HVL (for eksempel master i innovasjon og leiing eller master of science in business) eller ved andre utdanningsinstitusjonar i Noreg og i utlandet.