BLU3-1008 Barn, natur og friluftsliv

Innhald og oppbygging

Ein vil i hovudsak konsentrere seg om følgjande fire hovudarbeidsområde:

• Barnehagen som organisasjon
• Pedagogisk leiing, kritisk refleksjon og haldningsarbeid i personalet
• Samarbeid
• Natur og friluftsliv

Læringsutbytte

Ved fullført emne skal studenten ha følgjande læringsutbytte:

Kunnskapar

Studenten

• har kunnskap om relevant  forsking og  lovverk, ulike teoriar og metodar knytt til leiing generelt og leiarrolla i barnehagen spesielt
• har kunnskap om organisasjonsteori, organisasjonskultur, barnehagen som lærande organisasjon og kan ta denne kunnskapen i bruk i høve eiga leiarrolle
• har kunnskap om barn sin læring og utvikling i naturen
• har kunnskap om barn sine kroppslege erfaringar og opplevingar knytt til bruk av naturen
• har kunnskap om lover og regler knytt til friluftsliv med barn og naturlekeplassen

Ferdigheiter

Studenten

• kan leie og rettleie medarbeidarar med ulik bakgrunn og ulike føresetnader og reflektere om og utvikle eiga leiarrolle
• kan ta i bruk ulike metodar i utviklings- og endringsprosessar og uutvikle gode former for samarbeid og bruke dokumentasjon som grunnlag for systematisk arbeid og refleksjon
• kan planlegge og gjennomføre trygge og skånsomme aktivitetar i ulike naturmiljø og på naturlekeplassen til ulike årstider
• kan kjenne igjen ulike landskapselement, naturfenomen og utvalgte arter
• kan reflektere rundt barn sin glede og opplevelse av å være i naturen

Generell kompetanse

Studenten

• har innsikt i tilhøve som legg rammer for leiing av endrings- og utviklingsprosessar og kunne reflektere kritisk
• kan vidareutvikle barnehagen og barnehagelærarrolla, ta sjølvstendige val og sjå barn sin oppvekst i eit samfunn i endring
• kan kritisk vurdere eiga leiarrolle og fagleg didaktisk arbeid knytt til friluftsliv for barn

Krav til forkunnskapar

Gjennomført obligatorisk 150 studiepoeng i barnehagelærarutdanninga

Undervisnings- og læringsformer

Førelesingar, sjølvstudium, gruppearbeid, prosjektarbeid, øvingar og student presentasjoner.
Ekskursjonar, ein med overnatting.

Obligatorisk læringsaktivitet

• eit arbeidskrav knytt til pedagogisk leiing
• ulike arbeidsoppgåver knytt til prosjektarbeid i praksis
• obligatorisk oppmøte (80 %)
• godkjende ekskursjonar

I samband med ekskursjonar må studentar ved HVL vera førebudd på å betale ein eigenandel. Det vert lagt til rette for kompensatorisk arbeidskrav.

Vurderingsform

Prosjektoppgåve i gruppe. Vekting: 60 %

Individuell munnleg eksamen Vekting: 40 %

Graderte karakterar (A-F)

Ved stryk eller forbetring av prosjektoppgåve, kan studenten levere omarbeidd tekst