ING3107 Maskinkonstruksjon II

Innhald og oppbygging

Emnet gir ei innføring i prinsippa for dimensjonering av stålkonstruksjonar i følgje relevante delar av Eurokode 3, i samband med handberekning og elementmetodar for styrkeberekning under bruk av program for styrkeberekning for mekaniske system og komponentar. Emnet vil omhandle lastverknad basert på dimensjoneringstilstand, lastekombinasjonar og reaksjonskrefter, samt kapasitet av stålkonstruksjonar og dimensjonering av bjelkar, stavar, rammer og knutepunkt.

Læringsutbytte

Kunnskapar:

Studenten:

• kjenner til relevante norske og europeiske standardar for dimensjonering av berande strukturar
• kan definera lastekombinasjonar som inkluderer eigenlast, nyttelaster, miljølaster, ulykkeslaster osv.
• kan greie ut om ulike tverrsnittsklassar og kapasitet med omsyn på knekking og vipping
• kan skildra elementmetodar for bruk ved styrkeberekning av objekt med kompleks geometri
• kjenner til relevante dataassisterte berekningsprogram

 

Ferdigheiter:

Studenten:

• kan velja metodiske løysingar med omsyn på utforming og dimensjonering av stålkonstruksjonar
• kan bruka relevante standardar for berekning av belastingar og kapasitet
• kan definera dimensjonerande lastekombinasjonar og opplagerbetingelsar
• kan utføra spenningsberekningar
• kan bruka relevante standardar for dimensjonering av bjelkar, stavar, rammer og knutepunkt
• kan bruka berekningsprogrammet SAP2000 for dimensjonering av rammekonstruksjonar og fagverk i følgje Eurokoder
• kan bruka berekningsprogrammet ANSYS Workbench for berekning  av spenningar og tøying på maskintekniske komponentar
• kan kvalitetssikra resultat frå berekningsogram ved manuelle berekningar
• kan transformera 3D-DAK teikningar inn mot berekningsprogram for definisjon av geometri og dimensjonar

 

Generell kompetanse:

Studenten:

• kan identifisera og gjera bruk av relevante standardar for å bestemma belastingar på berande konstruksjonar, og velja metodiske løysingar med omsyn på utforming og dimensjonar
• kan formidla valde løysingar både skriftleg og munnleg til kollegaar og kundar på ein metodisk måte
• kan gjera begrensa bruk av berekningsprogram ein ikkje har jobba mykje med sjølv

Krav til forkunnskapar

Ingen

Tilrådde forkunnskapar

Fysikk, Fastleikslære og maskinkonstruksjon.

Statikk, materiallære og tilvirkingsteknikk.

Undervisnings- og læringsformer

Førelesingar, prosjektarbeid, dataøvingar, oppgåverekning, presentasjonsmappe.

Studiet er lagt opp som eit samlingsbasert studium med vanleg undervisning (førelesningar, rekneverkstader, lab-øvingar og liknande) kvar tredje veke. I dei to vekene mellom kvar undervisningsveke vert det lagt opp til sjølvstudium og ein del nettbasert undervisning.

I spesielle tilfelle kan undervisninga bli gitt av engelskspråkleg førelesar/gjesteforelesar. Eksamen vil likevel bli gitt på norsk.

Delar av undervisninga kan bli gjennomført i Haugesund.

Obligatorisk læringsaktivitet

1. Arbeidskrav for prosjektet:  SAP2000 og ANSYS. Dette blir spesifisert i undervisningsplanen ved semesterstart.

2. Arbeidskrav for skriftleg skuleeksamen: Dette blir spesifisert i undervisningsplanen ved semesterstart.

Vurderingsform

Del 1: Prosjekt, tel 50 % på endeleg karakter.

Del 2: Skriftleg eksamen, 4 timar, tel 50 % på endeleg karakter.

Begge delane må vere greidd.

Gradert karakter A - E / F (stryk).

Hjelpemiddel ved eksamen

Prosjekt: Alle.

Skriftleg skuleeksamen: Høgskulen sin kalkulator (Casio fx-82 Es) blir utdelt, alle trykte og skrevne hjelpemiddel er tillatne.

Meir om hjelpemiddel