ING3109 Fornybar energi og petroleumsproduksjon

Innhald og oppbygging

Energibruk og energiressursar globalt. Solenergi, vasskraft, vindkraft, bioenergi, geotermisk energi, bølgjekraft og tidvatnskraft. Strøyming i brønnar og transportrøyrleidningar. Faseforhold og separasjonsberekningar. Produksjonsprosess og produksjonsutstyr på plattform. Gass-olje separatorar. Olje-vatn separasjon. Gasshydrat. Tryggleik og miljø.

Læringsutbytte

Kunnskapar:

Studenten:

• kan forklara skilnaden mellom fornybare og ikkje-fornybare energikjelder
• kan gi oversikt over aktuelle fornybare energiresursar
• kan skildra teknologi for energiproduksjon basert på fornybare energikjelder
• kan greie ut om petroleumsgeologi og reservoarteknikk
• kan skildra oppbygginga av produksjonsbrønnar
• kan greie ut om produksjonsprosessen og produksjonsutstyr på plattformen, inkludert hjelpesystem
• kan greie ut om faseforhold og føresetnadar for separasjon
• kan forklara føresetnadar for at gasshydrat blir danna og tiltak for å førebyggja dette
• kan greie ut om utslepp ved drift
• har kjennskap til tryggleik på plattforma

 

Ferdigheiter:

Studenten:

• kan gjennomføra berekningar av energimengder, effektar og verknadsgrader i samband med fornybar energi
• kan gjera nødvendige overslag og estimera ukjende storleikar som ein del av effektberekningar for fornybar energi
• kan gjennomføra enkle berekningar for strøyming for vindturbinar
• kan vurdera storleiksgrad for energimengder og effektar frå fornybar energi
• kan berekna gasstettleik for ideelle og reelle gassar
• kan skissera fasediagram
• kan dimensjonera separatorar på basis av kapasitet og ønskt separasjonsgrad
• kan bruka relevante diagram for å bestemma innhaldet av vatn i naturgass
• kan berekna nødvendig inhibitormengd for å førebyggja danning av gasshydrat
• kan berekna strøyming frå reservoar til brønn
• kan berekna trykktap i røyrstrøyming både for væsker og gassar
• kan bruke relevante NORSOK-standardar

 

Generell kompetanse:

Studenten:

• har eit grunngjeve syn på kor aktuelle dei ulike fornybare energikjeldene er i vårt distrikt
• kan bidra i samfunnsdebatten om energispørsmål
• kan gjere vurderingar av miljøspørsmål i samband med petroleumsproduksjon

Krav til forkunnskapar

Ingen

Tilrådde forkunnskapar

Kjemi, Fysikk, Varme- og strøymingslære, Prosessteknikk.

Undervisnings- og læringsformer

Førelesingar, rekneøvingar, prosess-simuleringar og ekskursjonar

Obligatorisk læringsaktivitet

1.       Studiekrav Fornybar energi, blir spesifisert i undervisingsplanen ved semesterstart.

2.       Studiekrav Petroleumsproduksjon, blir spesifisert i undervisingsplanen ved semesterstart.

Gyldig i semesteret studiekrava blir bestått og påfølgjande semester.

Vurderingsform

Det blir gjennomført separat eksamen i kvart delemne. Om eitt av delemna ikkje er greidd, må ein gjennomføra ny eksamen i dette delemnet.

Ein må greie begge delane.

Gradert karakter A - E / F (stryk).

Hjelpemiddel ved eksamen

Fornybar energi, skriftleg skuleeksamen: Høgskulens kalkulator (Casio fx-82Es) blir utdelt.

Petroleumsproduksjon, skriftleg skuleeksamen: Høgskulens Teknisk formelsamling (Pedersen, Gustavsen, Kaasa og Olsen) blir utdelt; Høgskulens kalkulator (Casio fx-82Es) blir utdelt.

Meir om hjelpemiddel