RUS6104 Brukarstyring og samhandling mellom tenestenivå

Innhald og oppbygging

Emnet inkluderer strukturelle faktorar, rammevilkår og styringsverktøy med relevans til helsefremjing, førebygging, betring og livskvalitet innanfor rusrelatert arbeid. Brukarstyrt praksis, helsefremjing og tidleg intervensjon på systemnivå, arbeidsliv og rus og samhandlinga si kompleksitet blir utdjupa. Emnet har i tillegg fokus på prosjektplanlegging, fagutvikling,  kvalitetssikring, kvalitetsutvikling og evaluering.

Læringsutbytte

Kunnskap:

Studenten:

• har inngåande kunnskap om nasjonale, regionale og lokale styringsverktøy av betyding for rusfeltet
• har inngåande kunnskap om aktuell forsking og utviklingsarbeid som fremjer planlegging, leiing og samordning av rus- og psykiatritenester
• har inngåande kunnskap om samarbeidsformer i tverrfagleg og tverretatleg interaksjon

Dugleik:

Studenten:

• kan analysere og evaluere faglege problemstillingar med utgangspunkt i rammevilkår og etiske implikasjonar for rusfeltet
• kan utøve kritisk refleksjon over eiga rolle og fagutøving i samhandling med brukarar, pårørande, støttepersonar og anna fagpersonell
• kan gjere bruk av juridiske og yrkesetiske retningsliner i si yrkesutøving
• kan stimulere til tverrfagleg samarbeid og organisere og koordinere tiltakskjeder og ansvarsgrupper
• kan vise innsikt og forståing for faglege og etiske problemstillingar ved å reflektere over eigen praksis i refleksjonsgrupper

Generell kompetanse:

Studenten:

• kan analysere, vurdere og drøfte aktuelle teoriar og metodar innanfor rusfeltet
• kan ta initiativ til, styrke og leie tverrfagleg og tverretatleg samarbeid

Krav til forkunnskapar

Ingen

Tilrådde forkunnskapar

RUS6101 Rusrelatert sosial- og helseproblematikk, RUS6202 Perspektiv på helsefremjing, førebygging og behandling innan rusproblematikk, VIT6202 Vitskapsteori, metode og etikk og RUS6103 Samtidig rus- og psykisk liding (ROP).

Undervisnings- og læringsformer

Førelesing, rettleiing, gruppearbeid og sjølvstudium.

Deltidsutdanning med vekessamlingar/enkeltdagar på campus Haugesund og Stord. Studiet vert og basert på obligatorisk deltaking i rettleiing, kommunikasjon på nett og ein betydelig eigeninnsats mellom samlingane.

Obligatorisk læringsaktivitet

Ja

Vurderingsform

Oppgåve, 12 veker, i gruppe. Gradert karakter

Hjelpemiddel ved eksamen

Alle

Meir om hjelpemiddel