SA6-406 Leiing av pedagogisk verksemd

Innhald og oppbygging

Emnet rettar søkelys mot leiarens arbeid med utvikling av barnehagelærarar, lærarar og barn og unge sitt læringsarbeid, kvalitetsvurdering og effektiv bruk av menneskelege og materielle ressursar. Dette skjer gjennom ei praksisnær gjennomføring av studiet. Det blir lagt vekt på refleksjon rundt eigen praksis i samspel med teoretisk forståing av sentrale, faglege tema.

Læringsutbytte

Ved avslutta emne skal studenten ha følgjande kunnskap, ferdigheit og generell kompetanse:

 

• Ha inngåande kunnskap om kva omgrep som kvalitetsvurdering og kvalitetsutvikling, samfunnsmandatet og systemisk tenking kan bety i drift og utvikling av pedagogisk verksemd
• Ha avansert kunnskap om profesjonelle lærande fellesskap som tek utgangspunkt i idégrunnlag for barnehage og skule

 

• Kunne analysere endrings- og utviklingsprosessar på eigen arbeidsplass

 

• Kunne analysere faglege problemstillingar knytt til IKT som kunnskapssystem i offentlege verksemder
• Kunne leie gruppe- og organisasjonsprosessar i barnehage og skule

Krav til forkunnskapar

Sjå generelle opptakskrav i studieplanen.

Undervisnings- og læringsformer

Samlingane er i hovudsak prosessretta der det blir veksla mellom forelesingar, drøftingar og refleksjon i grupper. Undervisninga vil være relatert til teori og praksiserfaringar. Det blir føresett at studentane deltek aktivt i samband med utarbeiding av tekst som handlar om utviklingsprosessar på eigen arbeidsplass. Studentane blir organisert i formålstenlege grupper som skal jobbe saman undervegs i studiet.

Obligatorisk læringsaktivitet

Arbeidskrav nr. 2 i studieplanen: Arbeidskravet er 4 korte tekstar  (600-800 ord) som drøftar innhald på samlingane, teori og eigne erfaringar i utdanningsfeltet, og eit individuelt notat (maks 1000 ord) som drøftar eige læringsutbyte på emnet med utgangspunkt i relevant teori. 

Sjå studieplanen for meir informasjon om korleis arbeidskrava er bygd opp gjennom heile utdanninga.

Eit arbeidskrav er gyldig dei fire påfølgande semester. Ut over dette må studenten søkje spesielt om godkjenning.

Vurderingsform

Mappe som innheld eitt arbeid:

Oppgåve  som handlar om leiing og utviklingsprosessar på eigen arbeidsplass. Kan leverast individuelt eller i gruppe (maks tre personar).  Individuelt er tilrådd omfang ca 6000 ord. Dersom gruppe er omfanget ca 10000 ord.

Bokstavkarakter.

Ved stryk kan omarbeidd tekst leverast. 

Dersom studenten ønskjer å forbetre karakter, kan omarbeidd oppgåve blir levert inn neste gong eksamen i emnet blir arrangert.

Fagleg overlapping

• MAS3-306 - Leiing av pedagogisk verksemd - Reduksjon: 10,5 studiepoeng
• SA6-401 - Leiing av pedagogisk verksemd - Reduksjon: 13,5 studiepoeng