BLU3-1010 Pedagogisk leiing og kulturelt mangfald

Innhald og oppbygging

Ein vil i hovudsak konsentrere seg om følgjande fire hovudarbeidsområde:

• Barnehagen som organisasjon
• Pedagogisk leiing, kritisk refleksjon og haldningsarbeid i personalet
• Danning og interkulturell kompetanse knytt til majoritets- og minoritetsperspektivet
• Livssyn, religion, ulikskap og individuelle føresetnader

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om relevant forsking og lovverk, ulike teoriar og metodar knytt til leiing generelt og leiarrolla i barnehagen spesielt
• har kunnskap om organisasjonsteori, organisasjonskultur, barnehagen som lærande organisasjon og kan ta denne kunnskapen i bruk i høve eiga leiarrolla
• har kunnskap om makt, medverknad, likeverd og mangfald i demokratiske prosessar i barnehagen
• har innsikt i omgrepa mangfald, danning og interkulturell kompetanse
• har kunnskap om samfunnsendringar i ei globalisert verd der barn, foreldre og personalet med ulik kulturell og religiøs bakgrunn møtast

 

Ferdigheiter

Studenten

• kan leie og rettleie medarbeidarar med ulik bakgrunn og ulike føresetnadar og reflektere over og utvikle eiga leiarrolle
• kan ta i bruk ulike metodar i utviklings- og endringsprosessar og utvikle gode former for samarbeid, og bruke dokumentasjon som grunnlag for systematisk arbeid og refleksjon
• er bevisst eigne verdiar, normer og grunnleggande haldningar
• kan anvende didaktiske verktøy som styrkjer barnehagelæraren si forståing av ulikskap mellom menneske
• kan sjølvstendig og ilag med andre planlegge og setje i gang bevisstgjeringsprosessar knytt til personalet sine haldningar til mangfald, og setje i gang endringsprosessar knytt til tverrkulturell kompetanse

 

Generell kompetanse

Studenten

• har innsikt i tilhøve som legg rammer for leiing av endrings- og utviklingsprosessar og kunne reflektere kritisk
• kan vidareutvikle barnehagen og barnehagelærarrolla, ta sjølvstendige val og sjå barn sin oppvekst i eit samfunn i endring
• kan leie haldningsskapande arbeid med personalgruppa i ein barnehage og i samarbeid med heimen
• er kritisk reflekterande i takt med samfunnet sine endringar og barnehagen sitt samfunnsmandat
• er kritisk reflekterande til eigne verdiar, normer, handlingar og eigen handlingspraksis

Krav til forkunnskapar

Gjennomført obligatorisk 150 studiepoeng i barnehagelærarutdanninga

Undervisnings- og læringsformer

Førelesingar, sjølvstudium, gruppearbeid, prosjektarbeid, øvingar og student presentasjonar

Obligatorisk læringsaktivitet

Studentane må rekne at deler av undervisninga er obligatoriske. Dette kan til dømes vere undervisningsøkter med gruppediskusjonar, oppgåveskriving eller framlegg. Oversikt over dei obligatoriske læringsaktivitetene blir gitt ved semesterstart. Frammøte  i desse læringsaktivitetene er å rekne som godkjent, og fråver blir å rekne som ikkje godkjent. 

Obligatorisk læringsaktivitet

• Eit arbeidskrav knytt til pedagogisk leiing og endringsarbeid
• Eit arbeidskrav knytt til prosjektarbeid i praksis
• Arbeidskrav knytt til prosjektrapport

Vurderingsform

Prosjektrapport: Vekting 60%

Individuell munnleg eksamen: Vekting: 40 %

Graderte karakterar (A-F).

Ved stryk eller forbetring av prosjektrapport, kan studenten levere omarbeidd tekst