MA333 Matematikk 1, 5-10, del 1, nettbasert

Innhald og oppbygging

Matematikk 1 del 1, er det første av to emne i faget matematikk 1 (30stp) som saman med matematikk 2 (30stp) kvalifiserer for å undervise i matematikk på trinna 5-10 i grunnskulen. Emnet er både matematikkfagleg og didaktisk.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har inngåande undervisningskunnskap på trinna 5-10 i tallære, talforståing, rekning, algebra, funksjonar og overgangen frå aritmetikk til algebra
• har kunnskap om det matematikkfaglege innhaldet på dei ulike trinna i grunnskulen og  vidaregåande skule. Kunnskap om matematikkens historiske utvikling er òg vektlagt
• har kunnskap om undervisningsmetodar og læringsteoriar i matematikk, som mellom anna omfattar språk og kommunikasjon. Studenten har òg kunnskap om aktuelle digitale verktøy for matematikk. Han kan lese og uttrykke seg munnleg og skriftleg i matematikk og har kunnskap om rekning som grunnleggande ferdigheit i alle skulefag
• har kunnskap om arbeidsformer i matematikk, med vekt på problemløysing som metode

Ferdigheiter

Studenten

• kan planlegge og gjennomføre matematikkundervisning på varierte måtar for trinna 5-10 og vurdere desse . Studenten har blant anna evne til å inkludere elevane og fremje undring, matematisk argumentasjon og kreativitet. Han kan òg tilpasse opplæringa til dei ulike elevane og kan blant anna bruke kartleggingsprøver for å vurdere og tilpasse opplæringa til den enkelte elev
• har gode praktiske ferdigheiter i matematikk av munnleg og skriftleg karakter. Studenten kan òg kommunisere med elevar, lytte til og forstå deira tenkjemåtar og løysingsmetodar

Generell kompetanse

Studenten

• kan initiere og leie lokalt utviklingsarbeid knytt til matematikkundervisning
• kan delta og bidra i samarbeidsprosjekt med tanke på å forbetre praksis i matematikkfaget

Krav til forkunnskapar

)

Undervisnings- og læringsformer

Tilbodet er ein del av satsinga kompetanse for kvalitet. Emnet går over eitt semester, og er eit reint nettstudium. Me brukar læringsplattforma Canvas og nettkonferanseverktøyet Adobe Connect. Du vil få ei innføring i bruken av Adobe Connect etter opptaket.

Emnet har fire arbeidskrav. Arbeidskrava skal utførast i nettbaserte grupper. Emnet kombinerer førelesingar, diskusjonar, oppgåvearbeid, studentpresentasjonar og gruppearbeid. Emnet stiller krav til den enkelte student om sjølvstendig arbeid og aktiv tilnærming til problemstillingar, samt at ein aktivt søkjer kunnskapsutvikling og samarbeider med andre studentar. Det er obligatorisk oppmøte på nettundervisning.

Praksis

Det vert ikkje krav om eigen praksis, men deler av arbeidskrava skal knytast til praksis.

Obligatorisk læringsaktivitet

Fire skriftlege innleveringar.

Minst eitt av arbeidskrava skal omhandle utprøving av ny kunnskap med kunnskapsdeling i eige kollegium.

Eitt av arbeidskrava skal omhandle arbeid med pedagogisk bruk av IKT i matematikkundervisninga.

Deltaking i nettundervisninga er obligatorisk.

Vurderingsform

Munnleg, nettbasert eksamen. Individuelt eller i gruppe

Ved sensur av emnet vert det nytta karakterskalaen A-F.

Hjelpemiddel ved eksamen

Ingen

Meir om hjelpemiddel