NO335 Norsk 1 , del 1 (1.-7.) Begynnaropplæring - nettstudium

Innhald og oppbygging

Norsk 1, del , 1-7  Begynnaropplæringa er eit vidaregåande kurs for lærarar som vil undervise i norsk på småskulesteget og på mellomsteget.

Studiet er eit ledd i regjeringa si satsing på varig vidareutdanning (Kompetanse for kvalitet). Etter Forskrift til opplæringslova §14-2 må ein lærar ha 30 studiepoeng norsk for å undervise i faget på barnetrinnet.

Norsk 1 er delt i to modular à 15 studiepoeng. Haustsemesteret handlar om 1.-4. steg og vårsemesteret om 5.-7.steg. NO335, modul 1 gir eit teoretisk og didaktisk grunnlag for arbeid med den første lese- og skriveopplæringa i klasserommet. Sentrale emne er:

• Kva er norskfaget?
• Omgrepet tekst
• Grunnleggjande lese- og skriveopplæring
• Biletbøker og barnelitteratur
• Elevtekstanalyse, med hovudvekt på småskulesteget
• Språket som system/grammatikk, med vekt på fonetikk/fonologi og morfologi
• Barns språkutvikling
• Norsk som andrespråk
• Kjeldebruk, tekstbehandling, oppgåveskriving

Begge modulane samla gir omfattande kompetanse til norskundervisning på barne- og mellomsteget.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om korleis barn utviklar språk og omgrep, munnleg og skriftleg
• har kunnskap om lese- og skriveteoriar og om ulike teoriar innan lese- og skriveopplæring, med særleg vekt på begynnaropplæringa
• har brei kunnskap om språket som system og språket i bruk
• har kunnskap om kva som kjenneteiknar ulike teksttypar og sjangrar, både munnlege, skriftlege og multimodale.
• har gode kunnskapar om barnelitteratur i ulike sjangrar og god forståing for korleis denne litteraturen har utvikla seg over tid
• kjenner til sentrale og relevante litteraturteoretiske og litteraturdidaktiske omgrep og perspektiv
• har kunnskap om litteratur frå nyare tid som rettar seg mot born og ungdom
• har kunnskap om kva som skal til for å tilpasse opplæringa til elevane sine føresetnader

Ferdigheiter

Studenten

• kan planleggje, gjennomføre og vurdere norskundervisning på ulike trinn frå 1. til 7. trinn og grunngi faglege val
• kan vurdere og bruke ulike undervisningsmetodar i lese- og skriveopplæringa og skriftforming frå 1. til 7. trinn, både for elevar med norsk som førstespråk og andrespråk, og for elevar som skriv på bokmål og elevar som skriv på nynorsk
• kan leggje til rette for at elevane kan skrive i ulike sjangrar og medium
• kan bruke språk- og tekstkunnskap i arbeid med analyse av, respons på og vurdering av munnlege og skriftlege elevtekstar for å fremje læring
• kan leggje til rette for og stimulere elevar til variert munnleg bruk av språket
• kan bruke ulike former for vurdering som ein reiskap for elevane sin læringsprosess
• kan leggje til rette for at elevar les ulike typar tekstar i tradisjonelle og moderne medium, utviklar leselyst og gode lesestrategiar og blir stimulerte til vidare lesing
• kan reflektere over kvalitet i tekstar og bruksområde og leggje til rette for, gjennomføre og vurdere samtaler om litteratur
• kan analysere og tolke ulike typar tekstar og formidle litteratur på varierte måtar
• kan vurdere ulike typar norskfaglege læremiddel ut frå ulike kriterium og ut frå læringsutbytet til elevane
• kan ta i bruk ulike digitale verktøy i norskopplæringa og skape og vurdere multimodale tekstar

Generell kompetanse

Studenten

• har erfaring med analyse og arbeid med læreplanen i faget og innhaldet i den pågåande fagfornyinga.
• kan nytte læreplanen for å formulere mål for og vurdering av opplæringa
• er ein sikker munnleg språkbrukar og stø i skriftleg bokmål og nynorsk
• kan nytte faglege kunnskapar til kritisk og konstruktiv refleksjon og nytte denne kunnskapen til å tilpasse opplæringa for elevane
• kan arbeide sjølvstendig, og saman med andre, med elevars læring og utvikling i faget og på tvers av fag
• kan reflektere over kva den digitale utviklinga betyr for innhaldet i faget og arbeidsmetodar i skulen
• kan arbeide med språk og tekst i fleirkulturelle klassemiljø og utvikle språk- og kulturforståing
• kan leggje til rette for at arbeidet med språk og litteratur kan styrke identiteten til elevane og oppmode dei til aktiv deltaking i det offentlege liv

Krav til forkunnskapar

Lærarutdanning (allmennlærar, grunnskulelærar, faglærar, førskulelærar eller praktisk-pedagogisk utdanning). Du må i tillegg vere i ei lærarstilling.

Studentane bør kunne prøve ut nye metodar og undervisingsopplegg i ein klasse i løpet av studieåret. Gjerne eigen klasse, men om det ikkje går, bør studenten gjere avtalar som sørger for at h*n får høve til å gjennomføre norskundervising knytt til studiet.

Undervisnings- og læringsformer

Tilbodet er ein del av satsinga Kompetanse for kvalitet. Studiet av modul 1 går over eitt semester, og er eit reint nettstudium. Me brukar læringsplattforma Canvas og nettkonferanseverktøyet Zoom.

Studiet kombinerer førelesingar, diskusjonar, oppgåvearbeid, studentpresentasjonar og gruppearbeid. Studiet stiller krav til den enkelte student om sjølvstendig arbeid og aktiv tilnærming til problemstillingar, samt at ein aktivt søkjer kunnskapsutvikling og samarbeider med andre studentar.

Obligatorisk læringsaktivitet

Det er obligatorisk oppmøte til undervisninga.

Det er minst fire arbeidskrav per semester, både individuelle og gruppearbeid. Arbeidskrava skal ha utgangspunkt i utvikling av eigen praksis, og minst eitt av desse skal handle om pedagogisk bruk av IKT i lese- og skriveopplæringa. Kollegarespons står sentralt.

Vurderingsform

To 4-timars heimeeksamen i Wiseflow. Eksamen skal skrivast på bokmål eine dagen, og nynorsk den andre dagen. Begge mel 50% og begge må vere bestått for å få godkjent eksamen.

Bokstavkarakter A-F.

 

Hjelpemiddel ved eksamen

Alle

Meir om hjelpemiddel