BLU3-1007 Pedagogisk leiing og språk

Innhald og oppbygging

Ein vil i hovudsak konsentrere seg om følgjande fem hovudarbeidsområde:

• Barnehagen som organisasjon
• Pedagogisk leiing og kritisk refleksjon
• Samarbeid
• Språkutvikling og språkstimulering i barnehagen
• Fleirspråkleg barn i barnehagen

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om relevant forsking og lovverk, ulike teoriar og metodar knytt til leiing generelt og leiarrolla i barnehagen spesielt
• har kunnskap om organisasjonsteori, organisasjonskultur, barnehagen som lærande organisasjon og kan ta denne kunnskapen i bruk i høve eiga leiarrolle
• har kunnskap om samarbeidsprosessar mellom barn, personale, føresette og eksterne aktørar
• har kunnskap om språkstimulering i barnehagens læringskultur
• har kunnskap om korleis barn inngår i språklige samspill i barnehagen
• har innsikt i barns munnleg og skriftleg språk og språkutvikling, og fleirspråkleg utvikling
• har kunnskap om leikens betyding for barns språkutvikling

 

Ferdigheiter

Studenten

• kan leie og rettleie medarbeidarar med ulik bakgrunn og ulike føresetnadar og reflektere over og utvikle eiga leiarrolle
• kan ta i bruk ulike metodar i utviklings- og endringsprosessar og utvikle gode former for samarbeid
• kan mestre ulike dokumentasjonsformer og kan bruke dokumentasjon som grunnlag for systematisk arbeid og refleksjon
• kan kartlegge, legge til rette for, utvikle og leie stimulerande miljø for språkutvikling og skriftspråkutvikling
• kan reflektere over barns språkutvikling og barnehagelærarens rolle som språkmodell
• kan legge til rette for eit ressursorientert språkmiljø for fleirspråklege barn i barnehagen

 

Generell kompetanse

Studenten

• har innsikt i tilhøve som legg rammer for leiing av endrings- og utviklingsprosessar og kunne reflektere kritisk
• meistrar kommunikasjon med barn, føresette, personalet og eksterne samarbeidspartnarar
• kan vidareutvikle barnehagen og barnehagelærarrolla, ta sjølvstendige val og sjå barn sin oppvekst i eit samfunn i endring
• kan kritisk vurdere eiga leiarrolle og fagleg didaktisk arbeid knytt til fagområdet i Rammeplanen for barnehage Kommunikasjon, språk og tekst

Krav til forkunnskapar

Gjennomført obligatorisk 150 studiepoeng i barnehagelærarutdanninga

Undervisnings- og læringsformer

Undervisninga vil veksla mellom lærarstyrt klasseromsundervisning og varierte læringsformer. 

Obligatorisk læringsaktivitet

Studentane må rekne at deler av undervisninga er obligatoriske. Dette kan til dømes vere undervisningsøkter med gruppediskusjonar, oppgåveskriving eller framlegg. Oversikt over dei obligatoriske læringsaktivitetene blir gitt ved semesterstart. Frammøte  i desse læringsaktivitetene er å rekne som godkjent, og fråver blir å rekne som ikkje godkjent. 

Obligatorisk læringsaktivitet

• Ei munnleg oppgåve knytt til prosjektarbeid
• Ei fagtekst om eiga leiarrolle i barnehagen
• Ei fagtekst om språkstimulering

Vurderingsform

Prosjektoppgåve: Prosjektarbeid i gruppe om språkstimulering som skal avsluttast med ein skriftleg rapport. Vekting 60%. Ved stryk eller forbetring av prosjektoppgåva, kan studenten levere omarbeidd tekst.

Individuell munnleg eksamen Vekting: 40 %

Graderte karakterar (A-F).