ØAO019 Organisasjon og leiing 2

Innhald og oppbygging

Organisasjon og leiing 2 skal gje studentane fordjuping i fagfeltet organisasjon og leiing. Ulike teoritradisjonar og perspektiv innanfor organisasjons- og leiingsteori som på forskjellige måtar er med på å belyse organisasjons- og leiaråtferd står sentralt. Siktemålet er å gje studentane verktøy for heilskaplege analyser av korleis organisasjonar og leiaråtferd vert forma av samspelet mellom indre og ytre krefter, og kva konsekvensar det har for etablering, utforming og endring av organisasjonar, samt leiarrolla i ulike kontekster.

Kurset skal bidra til å gje studentane kunnskap om moderne organisasjonar som komplekse system både i privat og offentleg sektor og korleis leiare forventast å utøve aktivt leiarskap innanfor skiftande rammer og forventningar som ofte kryssar kvarandre. Ei viktig utfordring er balansen mellom endring og innovasjon på den eine sida og stabilitet, kontinuitet og drift på den andre. Organisasjonsanalysar vil bli eksemplifisert på ulike nivå innafor og mellom organisasjonar og mellom organisasjon og samfunn. (Slik blir organisasjonar oppfatta som samansette fenomen som kan vere fleire ting på ein gang og at organisasjonar blir påverka av institusjonelle omgjevnader.)

Kurset skal også bidra til å styrke studentanes evne til å stille kritiske spørsmål og til å handtere konkrete organisasjonsproblem.

Emnet bygger på innføringskurset i organisasjon og leiing og skal gi betre fagleg grunnlag for fordjuping og spesialisering, blant annet for arbeidet med bacheloroppgåva.

Læringsutbytte

Ved fullført kurs i organisasjon og leiing skal studentane ha oppnådd følgjande kunnskap, ferdigheiter og generell kompetanse.

Kunnskap:

• Har kunnskap og innsikt i ulike tilnærmingar og perspektiv på organisasjon og leiing
• Kan forklare ulike perspektiv for å forstå organisasjonsåtferd
• Kan beskrive sentrale leiingsoppgåver med utgangspunkt i ulike perspektiv på organisasjon og leiing i gitte kontekstar og situasjonar
• Kjenner til ulike tilnærmingar og perspektiv på endring og innovasjon i organisasjonar

Ferdigheiter:

• Kan anvende og analysere organisasjonar og leiaråtferd ut frå ulike perspektiv
• Kan reflektere over ulike dilemma og utfordringar ved organisering og utøving av leiing i ulike kontekstar
• Har forståing for og kan forklara endring og innovasjon som viktige vilkår for organisasjonars evne til å overleve over tid

Generell kompetanse:

• Forstår og kan planleggje og gjennomføra organisasjons- og leiaranalysar av ulike typar verksemder, samt vurdere behov for endring og stabilitet på organisasjons- og leiingsnivå
• Kan formidle heilskapleg forståing for endrings- og innovasjonsprosessar i organisasjonar
• Foreslå tiltak og bidra til refleksjon og kritisk vurdering av organiseringsprosessar
• Er i stand til å jobba sjølvstendig og i grupper og kan presentera og formidle sentralt fagstoff skriftleg og munnleg

Krav til forkunnskapar

Ingen

Tilrådde forkunnskapar

BØA112 eller tilsvarande emne

Undervisnings- og læringsformer

Arbeidsformar vil variere mellom førelesningar og arbeid i studentgrupper leia av studentane sjølve med rettleiing frå faglærar

Obligatorisk læringsaktivitet

Eit skriftleg arbeidskrav i grupper må vere besvart for eksamen kan avleggjas

Vurderingsform

Individuell heimeeksamen over to dagar. Bokstavkarakter A-F, kor F er stryk.

Innlevering blir gjort elektronisk via WISEflow og blir sendt gjennom plagiatkontroll. Utleveringstidspunkt, innleveringsfrist og nærmare retningslinjer vil bli kunngjort ved semesterstart.

Innlevering etter tidsfrist vert regna som «ikkje møtt». Ved gyldeg legeerklæring kan det gis inntil 2 døgns utsettelse av innleveringsfristen. Ellers gjeld vanlege regler for sjukemelding og ny-/utsatt prøve.

Hjelpemiddel ved eksamen

Alle hjelpemiddel er tillatt

Meir om hjelpemiddel