ØKB3119 Rekneskapsføraryrket og rekneskapsorganisering

Innhald og oppbygging

Emnet gir innsikt i den eksterne rekneskapsføraren si yrkesutøving, bokføringsregelverket og intern kontroll. Studentane vil også læra meir om rekneskapsanalyse og få ei innføring i praktisk bruk av eit rekneskapsprogram

Læringsutbytte

Kunnskapar:

Studenten:

• Har god kjennskap til dei reglar som regulerer rettar og plikter for autoriserte rekneskapsførarar, irekna også rekneskapsførar sine erstatningsrettslege plikter
• Har god kjennskap til krav, plikter og tilrådingar som kjem fram i god rekneskapsføringsskikk
• Kjenner roller og ansvar til styret, dagleg leiar og revisor knyta til ei verksemd
• Kjenner dei mest sentrale rutinane i ei verksemd
• Kjenner generelle kontrollar og kan reflektera over organisasjonsmessige relasjonar i samband med intern kontroll, irekna tiltak for å sikra effektiv intern kontroll
• Kjenner til krav til tryggleik og kontrollar i IKT-system
• Har kunnskap om dei grunnleggande bokføringsprinsippa i bokføringsloven og god bokføringsskikk, irekna andre reglar i bokføringslov og rekneskapslov

Ferdigheiter:

Studenten:

• Kan nytta reglar om rettar og plikter og innhaldet i god rekneskapsføringsskikk irekna risikoregelverket (jf forskrift om risikostyring og internkontroll) og kvitvaskingsregelverk
• Kan grunnleggjande bruk av eit rekneskapsprogram
• Kan gjere analysar av rekneskap som grunnlag for økonomisk rådgiving til oppdragsgivar

Generell kompetanse:

Studenten:

• Kan tileigna seg oppdatert kunnskap innanfor kunnskaps- og ferdigheitsområder nemnd ovanfor
• Kan formidla sentralt fagstoff gjennom relevante uttrykksformer og kan utveksla synspunkt og erfaringar med andre fagpersonar
• Kan sjå emnet i ein større samfunnssamanheng

Krav til forkunnskapar

Ingen

Tilrådde forkunnskapar

BØA117 Finansrekneskap med analyse eller tilsvarande

Undervisnings- og læringsformer

Førelesingar, oppgåveløysing og rettleiing i tilknyting til individuell eller gruppevis oppgåveløysing.

Obligatorisk læringsaktivitet

Ei innleveringsoppgåve

Vurderingsform

Skriftleg skuleeksamen 4 timar 100%

Karakterskala A - F

Eksamen kan bli avheld på digitalt eksamenssystem.

Hjelpemiddel ved eksamen

Alle skriftlege og trykte hjelpemiddel er tillatne

Meir om hjelpemiddel