VOØ006 Human Resource Management (HRM) i den norske modellen

Innhald og oppbygging

Emnet er forankra i og skal støtte opp om FNs berekraftsmål om anstendig arbeid. Studiet skal gi grunnleggjande kunnskapar om HR-funksjonens ansvar, rolle og oppgåver i styring og leiing av organisasjonar i tråd med tradisjonane i den norske arbeidslivsmodellen. Undervisinga vektlegg krava til HR-funksjonen som prosessansvarleg, og gir kunnskap om relevante metodar og verktøy. Hovudtema vil være dei oppgåver som HR-funksjonen er ansvarleg for og som skal bidra til å sikre at organisasjonen når sine mål med ein berekraftig forvaltning av menneskelege ressursar.

Læringsutbytte

Kunnskap

Kandidaten skal ha kunnskap om:

• tema, teoriar, metodar og verktøy innanfor fagområdet HRM og personalleiing
• HR/personal-funksjonen si rolle i organisasjonen og som bidragsytar i verdiskapingsprosessen
• berekraftig forvaltning av dei menneskelege ressursane i ein organisasjon
• den norske arbeidslivsmodellen som ramme for HR/personal-arbeidet
• relevant lov- og avtaleverk i arbeidet med HRM
• medbestemming, medverknad og samarbeid med arbeidstakarrepresentantar
• sentrale teoriar, metodar og verktøy knytt til ulike HR-prosesser i ein organisasjon, inkludert:
  • rekruttering
  • førebygging og oppfølging av helseplager og sjukefråvær
  • utvikling av eit trygt og godt arbeidsmiljø
  • konflikthandtering
  • strategisk kompetanseutvikling
  • gjennomføring av endrings- og nedbemanningsprosessar

Ferdigheiter

Kandidaten skal kunne:

• anvende fagleg kunnskap på praktiske og teoretiske problemstillingar og treffe velkvalifiserte val i eige arbeid
• identifisere behov og være ein pådrivar for forbetringar i HR-arbeidet
• være ein støttespelar og ressursperson for leiarar, arbeidstakarrepresentantar og medarbeidarar på HR-feltet
• bidra til effektivitet, trivsel og godt arbeidsmiljø på arbeidsplassen

Generell kompetanse

Emnet skal gi kandidaten kompetanse til å:

• formidle sentralt fagstoff innan HRM både munnleg og skriftleg
• reflektere over og analysere eigen organisasjon og bidra til å styrke endringskompetansen på HRM-området
• identifisere moglegheiter og utviklingsbehov i eigen organisasjon og gjere om desse til praktiske resultat

Krav til forkunnskapar

Ingen

Undervisnings- og læringsformer

Forelesningar, diskusjon, erfaringsutveksling, gruppearbeid og individuell oppgåveløysing. Canvas nyttast som digital læringsplattform.

Obligatorisk læringsaktivitet

Ein individuell skriftleg innleveringsoppgåve må vere godkjend før eksamen kan takast.

Kurset er modulbasert med 3 helgesamlingar. Det tillatast maksimalt 20 % fråver.

Vurderingsform

Individuell eller gruppebasert semesteroppgåve med justerande munnleg eksamen.Karakterskala A-F, der F er stryk.

Hjelpemiddel ved eksamen

Alle hjelpemidler er tillatt

Meir om hjelpemiddel

Fagleg overlapping

• ØAA114 - Human Resource Management - Reduksjon: 7,5 studiepoeng