MSB107 Innovasjon og entreprenørskap i praksis

Innhald og oppbygging

Hovudinnhaldet i emnet er 10 veker hospitering (heiltid) i ei oppstartsbedrift, i eiga studentbedrift knytt til eit inkubatormiljø, i eit innovasjonsprosjekt i etablert verksemd, i ei næringsklyngje eller tilsvarande. I hospiteringsperioden skal studenten i den grad det er mogleg samhandla med det entreprenørielle teamet/prosjektmedarbeidarane i innovasjonsprosjektet, og utføra oppgåver som marknadsundersøkingar, investoranalysar, pitching, utvikling av forretningsmodellar, kost-nytte analysar av produkt og tenester osb. Gjennom praksisbasert læring får studenten erfaring med å verkeleggjera innovasjon og entreprenørskap, under dette kommersialisering av teknologi osb., og utvikla ferdigheiter og kompetanse knytt til å gjennomføra innovasjons- og entreprenørskapoppgåver i praksis. Organiseringa av hospiteringsperioden blir gjord i tett samarbeid med det regionale innovasjonsmiljøet og inkubatorar. For studentar med eigen forretningsidé, legg me til rette for hospitering i eiga studentbedrift med krav til oppfølging/*mentorering i inkubatormiljøet. Parallelt med hospiteringsperioden i bedrift skal studentane delta på seminar som kan omfatta gjesteforelesarar frå næringsliv/offentleg sektor og entreprenørielle tema med faglærarar.

Læringsutbytte

Kunnskapar

Studenten...

- har inngåande kunnskap om innovasjon og entreprenøriell praksis i ein regional kontekst

- har avansert kunnskap om det regionale innovasjonssystemet, samhandling, aktørar og dynamikk i dei mest sentrale næringane i regionen

- ulike organisasjonsformer for innovasjon og entreprenørskap

Dugleiker

Studenten...

- kan identifisere viktige utfordringar med innovasjon og kommersialisering hos oppstartsbedrifter og etablerte bedrifter i næringsliv/offentlig sektor.

- kan gjennomføre/iverksette sentrale innovasjons- og entreprenørskapsoppgaver for oppstartsbedrifter eller i etablerte bedrifter.

- kan bruke eigne erfaringar med praksisbasert læring og reflektere kritisk over eigen entreprenøriell læring.

- Kan vurdere ulike aspekt ved organisasjon og leiing som fremjar eller hemjar innovasjon og entreprenørskap

Generell kompetanse

Studenten...

- kan analysere og reflektere kritisk over innovasjon og entreprenøriell praksis i ulike bransjer i offentlig og privat sektor, herunder entreprenøriell læring og strategiar.

- har innsikt i sentrale utfordringar hos oppstartsbedrifter/entreprenørar og etablerte verksemder, og kan utføre entreprenørskapsoppgåver i e oppstartsbedrift eller eit innovasjonsprosjekt

- kan bruke teoretisk kunnskap til praktisk gjennomføring, og bruke flerfaglig kunnskap i ein tverrfaglig sammenheng

- Har innsikt i ulike rammebetingelsar for innovasjon i offentlig og privat sektor

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

Emnet skal gi studentane praksisbasert entreprenøriell læring i bedrifter og innovasjonsprosessar i ein regional kontekst. Studenten vil få oppfølging av ein mentor i verksemda si og av emneansvarleg/faglærarar. Læringa er studentaktiv og handlingsorientert, gjennom samhandling med entreprenøren/medarbeidarar og gjennom utføring av innovasjons- og entreprenørskapoppgåver. Læringsarenaen er bedrifta i eit større inkubatormiljø eller eit innovasjonsprosjekt i ei etablert verksemd i regionen.Studentane er venta å delta på seminar gjennom praksisperiode. Det er forventa at studentane er aktive og stiller spørsmål, deltek i diskusjonar og refleksjonar rundt tema for seminara. Faglærarar bidreg også på seminara med å fasilitera dialog og diskusjonar, i tillegg til å kopla diskusjonane til relevant litteratur/teori. Gründer i hospiteringsbedrifta eller prosjektleiar for innovasjonsprosjektet skal fungera som mentor og gi studenten munnlege tilbakemeldingar på korleis dei løyser innovasjons- og entreprenørskapoppgåvene, forbetringspunkt, personleg meistring og utvikling. Ved enda hospiteringsperiode skal mentor levera eit evalueringsnotat av studenten (1-2 sider) basert på samtalane i perioden. Studentane blir oppmoda til å skriva logg/dagbok undervegs i hospiteringsperioden om erfaringar og refleksjonar dei gjer seg i hospiteringsperioden. Studentane skal skriva to refleksjonsrapportar om høvesvis eigen entreprenøriell læring/praksis og om regional entreprenøriell praksis. Emnet blir avslutta med ein munnleg eksamen med fokus på eigen entreprenøriell læring/praksis i lys av regional entreprenøriell praksis.I løpet av praksisperioden skal studentane gruppevis delta på to refleksjonssamlingar. Første refleksjonssamling vil vera eit introduksjonsseminar om refleksjon i praksislæring, under dette teoretisk analysereiskap for å styrkja refleksjonsnivået og konkret rettleiing for refleksjonsskriving, skriva logg o.a. ("reflective writing"). Den andre refleksjonssamlinga skal gjennomførast i andre halvdel av praksislæringa/praksisperioden.

Obligatorisk læringsaktivitet

Følgjande obligatoriske arbeidskrav må vera godkjent for at kandidaten kan framstilla seg til vurdering/eksamen:

- Obligatorisk hospitering i bedrift, dvs. full arbeidsveke i 10 veker.

- Midtvegs innlevering av refleksjonsnotat med fokus på entreprenøriell læring og regional praksis (ca. 3-5 sider)

Vurderingsform

Studenten skal skrive ein refleksjonsrapport (ca. 15 sider). Temaet skal være entreprenøriell læring og regional praksis. Refleksjonsrapporten skal leverast ved avslutning av praksisperioden.

Karakterskalaen er A-F, hvor F er ikkje bestått.

Hjelpemiddel ved eksamen

Alle

Meir om hjelpemiddel