PPUY306 Skulen i samfunnet - leiing av lærings- og utviklingsarbeid i eit organisasjons- og samfunnsperspektiv

Innhald og oppbygging

Hovudtema i emnet er skulen i eit organisasjons- og samfunnsperspektiv og pedagogisk forskings- og utviklingsarbeid. Eit sentralt område er difor tverrfagleg samarbeid med føresette, nærmiljø, nærings- og arbeidsliv og andre relevante instansar i og utanfor skulen. Det vert lagt vekt på heilskap og samanheng i studiet gjennom integrering av fag, pedagogikk, yrkesdidaktikk og praksis. Eit berande element i gjennomføringa av emnet er studenten som forskar i eigen yrkesfaglege og yrkesdidaktiske praksis.

Læringsutbytte

Ved fullført emne skal studenten ha følgjande totale læringsutbyte:

Kunnskapar

Studenten

• har kunnskap om gjeldande lovverk og styringsdokument som er relevante for profesjons- og yrkesutøvinga
• kjenner til nasjonalt og internasjonalt forskings- og utviklingsarbeid med relevans for lærarprofesjonen innanfor det yrkespedagogiske og det yrkesfaglege området, og kan oppdatere kunnskapen sin innanfor fagområdet
• har brei kunnskap om ungdomskultur og ungdom si utvikling og læring i ulike sosiale kontekster, medrekna samiske og fleirkulturelle perspektiv
• har kunnskap om barn og unge i vanskelege livssituasjonar, inkludert kunnskap om vald og seksuelle overgrep mot barn og unge, om deira rettar og om korleis sette i gang nødvendige tiltak etter gjeldande lovverk

Ferdigheiter

Studenten

• kan planleggje, grunngi, gjennomføre, leie, vurdere og dokumentere relevant fag- og yrkesopplæring tilpassa elevane/lærlingane sine behov
• kan orientere seg i faglitteraturen og forhalda seg kritisk til informasjonskjelder og eksisterande teoriar knytt til ungdomstrinnet og fag- og yrkesopplæringa (8-13.trinn)
• kan bruke og vise til relevante forskingsresultat for å ta grunngjevne val og gjennomføre systematisk yrkesfagleg og pedagogisk utviklingsarbeid
• kan identifisere særskilde behov hjå barn og unge, inkludert identifisere teikn på vald eller seksuelle overgrep. På bakgrunn av faglege vurderingar skal studenten kunne etablere samarbeid med aktuelle tverrfaglege og tverretatlege samarbeidspartnarar til det beste for barnet

Generell kompetanse

Studenten

• kan analysere eigne behov for kompetanseheving og vise endrings- og utviklingskompetanse for å møte framtidige behov i skule, arbeids- og samfunnsliv
• kan legge til rette for entreprenørskap, nytenking og innovasjon, og involvere lokalt arbeids-, samfunns- og kulturliv i opplæringa
• kan bygge gode relasjonar til- og samarbeide med føresette og andre aktuelle samarbeidspartnarar

I tillegg legg PPUY ved HVL vekt på følgjande utbyteskildringar

• Studenten skal ha ei forskande tilnærming til eigen praksis.

Krav til forkunnskapar

PPUY305

Undervisnings- og læringsformer

Undervisnings- og læringsformer kan mellom anna vera førelesingar, gruppearbeid, erfaringsdeling, praksisobservasjon, problembasert arbeid, undersøkande forskings- og utviklingsretta læringsarbeid, prosjektarbeid, seminar med presentasjonar, prosessorientert oppgåveskriving, rettleiing og medstudentrespons. Studiet er støtta av digitale verktøy.

Studentane vert inviterte til ei kontinuerleg vurdering av studieopplegget gjennom systematisk erfaringsutveksling med lærarar og medstudentar.

Obligatorisk læringsaktivitet

Studentane skal gjennomføre og bestå 3 obligatoriske læringsaktivitetar i emnet:

• Ei prosjektskildring knytt til FoU-prosjektet.
• Ein feltrapport i samband med ungdomsskolepraksisen, med medstudentvurdering.
• Obligatorisk oppmøte på samlingar. Det ligg inne studentaktivitetar i form av for eksempel gruppearbeid, drøftingar, presentasjonar og øvingar på alle samlingane

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

• Del 1: Skriftleg FoU-oppgåve. Del 1. må vere bestått for å gjennomføre del 2 (tel 40%).
• Del 2: Munnleg individuell eksamen med trekkoppgåve (tel 60%).

Munnleg eksamen varer omlag 30 minutt.

Karakterskala A-F, der F svarar til ikkje bestått.

Begge delane må vere bestått for å få karakter i emnet. Ved ikkje bestått på ein av delane, kan den delen som ikkje er bestått takast opp att.

Det er mogeleg å levere forbetra versjon (del 1) i påfølgjande semester. Det er berre mogeleg å levere forbetra versjon med same problemstilling ein gong. Etter dette må det skrivast heilt ny FoU-oppgåve.

Hjelpemiddel ved eksamen

FoU-oppgåve: Alle hjelpemiddel er tillate.

Munnleg eksamen: Ingen hjelpemiddel.

Meir om hjelpemiddel