KUN808 Song og stemmebruk

Innhald og oppbygging

Stemma vår er eit av våre fyrste kommunikasjonsmiddel og mennesket sitt eldste musikkinstrument. Stemma er kroppsleg og personleg.

Song er ein ressurs i arbeidet med så vel fellesskap og demokrati som livsmeistring.

Emnet tek for seg song, stemmebruk og munnleg formidling i vid forstand, både med fokus på stemma som profesjonsreiskap og gjennom musikalske og dramatiske metodar i ulike faglege kontekstar.

Læringsutbytte

Ved fullført emne skal studenten ha følgjande totale læringsutbytte:

Kunnskap

Studenten

• har kunnskap om stemma som profesjonsreiskap
• har kunnskap om songteknikk
• har kunnskap om stemmehelse, stemmeanatomi og vokal utvikling.
• har kunnskap om song, samspel og munnleg kompetanse
• har kunnskap om akkompagnement av song
• har kunnskap om song som ressurs i arbeidet med fellesskap, demokrati og medborgarskap

Ferdigheiter

Studenten

• har ferdigheiter i song
• har ferdigheiter i stemmepleie
• har ferdigheiter i munnleg formidling
• har ferdigheiter i leiing av song i ulike kontekstar
• har ferdigheiter i digitale og elektroniske hjelpemiddel i arbeid med song og munnelg formidling

Generell kompetanse

Studenten

• kan byggje repertoar for bruk av song og munnleg formidling i ulike kontekstar
• kan ulike tilnærmingar og arbeidsmåtar som inviterer og motiverer til deltaking til song/aktiv stemmebruk
• kan reflektere rundt korleis song kan bidra til fellesskap og kulturforståing

Krav til forkunnskapar

Ingen

Tilrådde forkunnskapar

Erfaring frå arbeid med musikk og/eller drama, gjerne i undervisningskontekstar.

Undervisnings- og læringsformer

Arbeid med praktiske aktivitetar på samlingar, arbeid i grupper, individuell rettleiing, praktiske utprøvingar, diskusjonsforum med erfaringsdeling, førelesningar, synkron og asynkron nettundervisning.

Obligatorisk læringsaktivitet

• Praktisk utprøving av opplegg knytt til song og/eller stemmebruk med digital dokumentasjon og refleksjonsnotat. Gjennom denne obligatoriske læringsaktiviteten demonstrerer studentane ei eller fleire av læringsutbyteformuleringane i emneplanen.
• Praktiske-metodiske læringsaktivitetar på samlingar.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Digital heimeeksamen i gruppe.

Podkast på om lag 15 minutt, der gruppa diskuterer utfordringar og moglegheiter knytt til song og stemmebruk.

Karakterskala: Bestått/Ikkje bestått.

Ved ikkje bestått kan studenten levere ny oppgåve ved neste høve, enten i gruppe eller individuelt.

Hjelpemiddel ved eksamen

Alle hjelpemiddel er tillatt

Meir om hjelpemiddel