ØAL119 Supply Chain Management - Procurement and Distribution

Innhald og oppbygging

Dette emnet omfattar styring og koordinering av aktivitetar knytte til innkjøp, distribusjon og datadriven beslutningsstøtte i forsyningskjeda.

Faget gir ei innføring i korleis dataanalyse, BI og enkle maskinlæringsmetodar kan bli brukte til å forstå og forbetre avgjerder innan innkjøp, transport og lagerstyring.

Gjennom praktisk arbeid i Python, Jupyter Notebooks og Power BI lærer studentane å samle inn, analysere og visualisere data for å støtte vurderingar av leverandørval, etterspurnad og kvalitet i forsyningskjeda.

Læringsutbytte

Kunnskap

Etter fullført emne skal studenten kunne:

• Forklare sentrale omgrep innan innkjøp, distribusjon og datadriven logistikk i forsyningskjeder.

• Gjere greie for korleis grunnleggande maskinlæring og statistiske metodar kan brukast til å støtte avgjerder innan innkjøp og distribusjon.

• Skildre korleis datainnsamling, analyse og visualisering bidreg til effektivitet og kvalitet i forsyningskjeda.

• Forklare korleis BI-verktøy og data governance støttar beslutningsstøtte og rapportering.

• Reflektere over etiske og berekraftige perspektiv ved bruk av data og teknologi i forsyningskjedeleiing.

Ferdigheiter

Etter fullført emne skal studenten kunne:

• Bruke Python og Jupyter Notebooks til enkel analyse og visualisering av innkjøps- og distribusjonsdata.

• Gjennomføre grunnleggande datareinsing og førebehandling (datapreparering) for å forbetre analysegrunnlaget.

• Lage enkle modellar for etterspurnad og risikovurdering ved bruk av lineær regresjon eller klassifikasjon.

• Bygge eit dashboard i Power BI som viser relevante KPI-ar for innkjøp og distribusjon.

• Samarbeide i team om databaserte casestudiar og presentere resultat på ein tydeleg og handlingsretta måte.

Generell kompetanse

Etter fullført emne skal studenten kunne:

• Forstå korleis datadrivne analysar bidreg til meir effektive og berekraftige avgjerder innan innkjøp og distribusjon.

• Reflektere over etiske og samfunnsmessige konsekvensar ved bruk av data og algoritmar i operasjonell praksis.

• Bidra til digital forbetring og innovasjon i forsyningskjeder gjennom bruk av enkle analyseverktøy.

• Utvikle medvit om livslang læring og behovet for å oppdatere digital kompetanse i møte med teknologisk utvikling.

Krav til forkunnskapar

Bestått ØAL118 og ØAL121.

Tilrådde forkunnskapar

Forkunnskapar innan bedriftsøkonomi er ein fordel.

Undervisnings- og læringsformer

Klasseromsundervisning og oppgåveseminar kombinert med gruppearbeid. Gruppebasert rettleiing etter behov.

Obligatorisk læringsaktivitet

For å kunne ta eksamen må følgjande krav vere bestått:

• eit gruppebasert obligatorisk arbeidskrav (semesteroppgåve)
• ei gruppebasert munnleg framføring av obligatorisk arbeidskrav (semesteroppgåve)
• Ein må møte på oppgåveseminar

Til saman 3 obligatoriske arbeidskrav

Vurderingsform

Skuleeksamen, 4 timar

Tid og stad for eksamen blir opplyst på Studentweb.

Karakterskala A-F, der F svarer til ikkje bestått.

Hjelpemiddel ved eksamen

Ingen

Meir om hjelpemiddel