ANE510 Anestesisjukepleie. Kvalitet og fagleiing

Innhald og oppbygging

Emnet gir innføring i anestesisjukepleie, i anestesisjukepleiaren sin historie, profesjonelle identitet og faglege ansvarsområde, og dannar grunnlaget for videre fordjupinga . Emnet legg vekt å utvikle forståing for anestesisjukepleiaren sin plass i helsetenesta, både som spesialsjukepleiar og som teammedlem i eit tverrprofesjonelt samarbeid.

Sentrale tema er profesjonsetikk, fagleg leiing, pasientsikkerheit og kvalitet, samt samanhengen mellom arbeidsmiljø, stress og profesjonell utøving. Emnet legg vekt på korleis psykososiale og fysiske faktorar påverkar både helsepersonell og pasientar.

Emnet introduserer også sentrale omgrep innan forsking, kvalitetsarbeid og pedagogiske metodar som grunnlag for kunnskapsbasert praksis.

• Historisk utvikling, profesjonell identitet og fagleg ansvar i anestesi sjukepleie
• Fagleg leiing og kvalitetsforbetring i helsetenesta
• Samanhengen mellom arbeidsmiljø, stress og pasientsikkerheit
• Profesjonsetikk og kommunikasjon
• Tverrprofesjonelt samarbeid og pasientmedverknad
• Kulturforståing og helsekompetanse
• Møte med torturofre-retraumatisering
• Reaksjonar og meistringsstrategiar hos pasientar og pårørande
• Forsking, kvalitetsarbeid og kunnskapsbasert praksis
• Innføring i anestesisjukepleie og i dei vanlegaste anestesimedikamenta
• Hygiene på operasjonsavdelinga
• Møte med den akutt kritisk sjuke

Læringsutbytte

Ein student med fullført emne skal ha følgande totale læringsutbytte definert i kunnskap, ferdigheiter og generell kompetanse:

Kunnskap: Studenten…

• har inngåande kunnskap om anestesisjukepleie, den profesjonelle identitetsdanninga, fagets eigenart og historie, tradisjon og plass i samfunnet
• har avansert kunnskap om lover og forskrifter knytt til bruk av medisinsk utstyr og digitale verktøy som er relevant for yrkesutøving
• har avansert kunnskap om akutt og/eller kritisk sjuke, frå det premature barnet til den komplekse pasienten med samansette lidingar
• har avansert kunnskap opplevingar, reaksjonar og meistringsstrategiar hos pasientar og pårørande med ulik kulturell bakgrunn
• har inngåande kunnskap om helsekompetanse, kva betydning kultur- og språkbakgrunn har for sjukdomsforståing, pasientmedverknad og pasienterfaringar
• har inngåande kunnskap om fysisk og psykososialt arbeidsmiljø, stressreaksjonar og meistringsstrategiar, og korleis arbeidsbelastningar kan førebyggast og reduserast
• har inngåande kunnskap om pasientsikkerheitsteori, kvalitets- og forbetringsmetodikk, og innovasjon i anestesisjukepleie
• har inngåande kunnskap om leiing av eige fagområde
• har inngåande kunnskap om helse- og omsorgstenestene si organisering, retningslinjer, relevante lover og forskrifter, inkludert krav til dokumentasjon av anestesi
• har spesialisert innsikt i kunnskapsbasert praksis og i metodiske tilnærming i forskings- og kvalitetsarbeidet innan det aktuelle feltet

Ferdigheiter: Studenten…

• kan analysere uønskte hendingar og bidra til systematisk læring
• kan analysere og forholda seg kritisk til forskings-, bruker- og erfaringskunnskap for å medverke til utvikling av tenesta

Generell kompetanse: Studenten…

• kan analysere kliniske problemstillingar i lys av profesjonen sine etiske retningsliner
• kan analysere og kritisk vurdere nasjonale og internasjonale retningsliner si betyding for faget, og sette det inn i ein kontekst for anestesisjukepleiaren si rolle i helsetenesta
• kan analysere og ta sjølvstendig stilling i etiske dilemma
• kan analysere og kritisk vurdere samspelet mellom faget sine historiske tradisjonar, samfunnet sitt behov og helsetenesta si utvikling
• kan bidra til god pasientsikkerheitskultur og eit godt arbeidsmiljø for å ivareta pasient, pårørande og kollegaer ved uønskte hendingar og forebygge pasientskader
• kan analysere og vurdere eige kompetansenivå og konsultere relevant personell ved behov
• kan analysere komplekse og kritiske situasjonar i samsvar med helselover og profesjonsetikk

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

Varierte undervisnings- og læringsformer med vekt på studentaktive læringsformer. Ressursforelesningar, digitale læringsformer, gruppearbeid, formidling, studentrespons, ferdigheitstrening og observasjonspraksis blir nytta i emnet.

Obligatorisk læringsaktivitet

Følgande obligatoriske læringsaktiviteter må være godkjent for at studenten kan framstille seg til eksamen:

1. Lag eit bibliotek i Zotero. Legg inn pensumlitteratur og forsking. I bøker med kapittelforfattarar skal desse leggast inn (Minimum 5 for arbeidskravet)
2. Ei veke praksisstudie
3. Anestesimedikament/Praktisk farmakologi
4. Munnleg formidling med medstudentrespons

Godkjent obligatorisk arbeidskrav er gyldig i dei to påfølgande semestera.

Vurderingsform

Munnleg eksamen Gruppe på 2-3 studentar

Ved gruppeeksamen skal alle deltakarane i gruppa bidra til eit felles produkt. Karakteren på produktet skal vere lik for heile gruppa. Oppstår det tvil om ein student bidreg eller har bidrege tilstrekkeleg til å få utteljing for eit felles produkt skal det hentast inn skriftleg individuell fråsegn frå alle gruppemedlemene og fagleg rettleiar eller emneansvarleg.

To dagar før munnleg eksamen skal gruppa levere eit samandrag av munnleg presentasjon. Omfang maks 500 ord. Samandraget skal innehalde referansar til pensumlitteratur og forsking. Bruk Zotero eller anna referansesystem.

Vurderingsuttrykk Bestått/ikkje bestått

Ny eksamen Ved ikkje bestått eksamen må studenten legge fram ny oppgåve til ny eksamen

Hjelpemiddel ved eksamen

Alle

Meir om hjelpemiddel