KAS501 Avansert klinisk kompetanse og avgjersletaking i allmennsjukepleie
Emneplan for studieåret 2026/2027
Innhald og oppbygging
I dette emnet er det særleg fokus på rolla som allmennsjukepleiar, klinisk vurdering, avgjersletaking og handlingskompetanse. Gjennom kartlegging og behandling av pasientar i alle aldrar utviklar studenten ferdigheiter som er sentrale for profesjonsutøvinga. Vidare skal studenten utvikle avansert klinisk kompetanse, med fokus på patofysiologi, farmakologi og organspesifikke undersøkingar og kartlegging. Emnet legg òg vekt på å styrke kompetansen til studenten i møte med pasientar med langvarige og samansette tilstandar. Studenten skal tileigne seg kompetanse i metodar for å hente inn informasjon ved bruk av ulike kliniske verktøy.
Læringsutbytte
Ein student med fullført emne skal ha følgjande totale læringsutbytte definert i kunnskap, ferdigheiter og generell kompetanse:
Kunnskap:
Studenten …
- har inngåande kunnskap om anatomi, fysiologi og patofysiologi knytt til organspesifikke område
- har inngåande kunnskap om farmakologi, legemiddelbehandling og legemiddelhandtering
- har inngåande kunnskap om smittestoff, smitterisiko og infeksjonsførebyggjande tiltak
- har inngåande kunnskap om antibiotikabruk og resistensutvikling
- har inngåande kunnskap om dei vanlegaste akutte og kroniske sjukdomane og helseproblema hos pasientar i kommunale helse- og omsorgstenester
- har avansert kunnskap om systematiske kliniske undersøkingsmetodar og standardiserte vurderingsverktøy som er relevante for yrkesutøvinga
- har inngåande kunnskap om helsepedagogikk, inkludert korleis kartleggje og aktivere helseressursar hos brukarar, pasientar og pårørande
- har inngåande kunnskap om effektive meistringsstøttande tiltak
- har inngåande kunnskap om korleis variasjonar i helsekompetanse påverkar ulike pasient- og brukargrupper si sjukdomsforståing, sjukdomshandtering, meistring og eigenomsorg
Ferdigheter:
Studenten …
- kan gjennomføre systematiske og sjukepleiefagleg relevante undersøkingar og vurdere helsetilstanden til pasientar
- kan identifisere, vurdere og analysere teikn til endring i helsetilstanden til pasienten og gjere kvalifiserte vurderingar, føre faglege resonnement i vurderinga av helsetilstanden og setje i verk relevante sjukepleiefaglege tiltak
Generell kompetanse:
Studenten …
- kan nytte kunnskapane og ferdigheitene sine som krevst i rolla som avansert klinisk allmennsjukepleiar, mellom anna ta faglege avgjerder, gjennomføre relevante sjukepleietiltak og setje i verk tiltak i samarbeid med andre profesjonsutøvarar
Krav til forkunnskapar
Ingen
Tilrådde forkunnskapar
Ingen
Undervisnings- og læringsformer
Undervisninga er samlingsbasert.
Undervisning og læringsformer består av:
• Digitale førelesingar
• Undervisning/ferdigheitstrening/simulering på campus
• Seminar med studentframlegg og medstudentrespons
• Gruppearbeid
• Sjølvstudium
Normal arbeidsinnsats for dette emnet på deltid er 20 timar per veke i gjennomsnitt.
Obligatorisk læringsaktivitet
Følgjande obligatoriske læringsaktivitetar må vere godkjende for at studenten kan gå opp til eksamen:
- 1 skriftleg, individuell oppgåve på 1000 ord.
- Gruppearbeid i dokumentasjon og journalskriving
- 1 skriftleg, gruppeoppgåve på 2500 ord
- Fysisk framlegg av gruppeoppgåve
- Obligatorisk deltaking, 80 %, i gruppearbeid og ferdigheitstrening/simulering.
- Ferdigheitstest i systematisk klinisk undersøking og vurderingskompetanse.
Godkjende læringsaktivitetar er gyldige i 4 påfølgjande semester.
Vurderingsform
Heimeeksamen 3 dagar med eit omfang på 3000 ord +/- 10 %.
Vurderingsuttrykk
Gradert karakterskala der A til E er ståkarakter, og F er ikkje bestått.
Ny eksamen
Ny eksamen blir gjennomført på same måte som ordinær eksamen.
Hjelpemiddel ved eksamen
Alle hjelpemiddel tillatne.
Meir om hjelpemiddel