LUPEKI501 Profesjonsfag med fagleg fordjupning

Innhald og oppbygging

Profesjonsfaget er eit verdi- og danningsfag som skal gje studenten identitet som lærar, og danne den lærarfaglege plattforma i utdanninga.

Faget skal ivareta samanhengen mellom pedagogikk, didaktikk og det praktiske og estetiske fagområdet, der oppseding, utdanning og danning utgjer kjernen i faget. I emnet skal studenten utvikle eit analytisk og kritisk perspektiv på arbeid med opplæring og sin eigen praksis som framtidig lærar i eige masterfag. Emnet går parallelt med masteroppgåva i 5. studieår.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har avansert kunnskap om danning, læring og undervisning i eit pluralistisk samfunn
• har kunnskap om nasjonal og internasjonal forsking i masterfaget
• har inngåande profesjonsfagleg kunnskap i masterfaget

Ferdigheitar

Studenten

• kan kritisk vurdere opplæring som resultat av samfunnsmessige, politiske og historiske prosesser
• kan kritisk drøfte realiseringa av styringsdokument relevant for opplæring, og kommunisere om sammenhengen mellom forsking, politikk og praksis

kan med utgangspunkt i forskingsbasert og profesjonsretta kunnskap grunngje eigne pedagogiske, verdimessige og etiske val

Generell kompetanse

Studenten

• kan formidle og kommunisere faglige problemstillinger knytt til profesjonsutøvinga
• kan bruke relevant nasjonal og internasjonal forsking som grunnlag for utvikling og endring av pedagogisk praksis og som grunnlag for ei masteroppgåve
• kan på eit avansert nivå identifisere, vurdere og formidle profesjonsfaglege og etiske problemstillingar, samt bidra til profesjonsutvikling

Krav til forkunnskapar

Ingen

Tilrådde forkunnskapar

LUPEF103 Lærarrolla og elevane si læring og utvikling

LUPEF403 Den profesjonelle læraren

Undervisnings- og læringsformer

Det vil bli brukt varierte undervisnings- og arbeidsmåtar, med stor vekt på studentaktivitet og casestudium. Det blir lagt opp til litteraturseminar og workshops knytt til sentrale tema i emnet med bruk av norsk og internasjonal forskingslitteratur.

Studentene må møte forberedt, holde seg oppdatert på digital læringsplattform og ha med PC og andre læremiddel og verktøy til undervisningsøkter. Studenter og forelesere er saman om å åpne innhald, reflektere og skape mening.

Det er ein føresetnad at studentane arbeider med lærestoffet på eiga hand og i kollokvegrupper. . Refleksjon og kritisk drøfting av forsking, politikk, teori og praksis knytt til eige masterfag er sentralt i emnet.

Obligatorisk læringsaktivitet

Følgjande obligatoriske læringsaktivitetar må vere godkjende for at studenten kan framstille seg til eksamen:

• Aktiv deltaking i undervisningsaktivitetar som er definerande for emnet og gjennomføring av pålagde praktiske, skriftlege og munnlege oppgåver
• Munnleg oppgåve i gruppe, knytt til masterfagets eigenart. Oppgåva inneber utkast til eit skriftleg debattinnlegg der prosessen presenterast for resten av klassen. Sjå informasjonsskriv.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Nærare retningslinjer for arbeidskravet gis ved semesterstart.

Vurderingsform

Munnleg eksamen i par, eventuelt individuell, 30-40 minutt.

Karakterskala A-F, der F svarar til ikkje bestått. Det blir gitt individuell karakter.

Hjelpemiddel ved eksamen

Informasjon vil bli gitt i forkant av eksamen.

Meir om hjelpemiddel