MGBENS101 Engelsk 1, emne 1 - Engelsk språk, litteratur og tekstkunnskap med fagdidaktikk 1

Innhald og oppbygging

Dette er emne 1 i faget Engelsk 1 for 1.-7. trinn i grunnskulelærerutdanninga (GLU). Engelsk 1 består av to emne, kvart på 15 studiepoeng: Engelsk språk, litteratur og kultur med fagdidaktikk 1 og 2.

Emneskildringane for Engelsk 1 bygger på Nasjonale retningslinjer for grunnskolelærerutdanningen 1-7 (2016) og inngår i ei femårig grunnskulelærerutdanning med master. Emnet MGBENS101 er for den samlingsbaserte og nettstøtta grunnskulelærarutdanninga for 1.-7. trinn. Emnet er ope for innreisande studentar.

Engelsk 1 for 1.-7. trinn gir ei innføring i engelsk språk, litteratur, kultur, og fagdidaktikk med spesiell vekt på begynnaropplæring. Dette omfattar kunnskap om korleis språket er bygd opp. Innan litteratur og kultur omfattar emnet kunnskap om barnelitteratur og bruk av ulike tekstar på barnetrinnet, i tillegg til analyse av skjønn- og faglitterære tekstar. Utvikling av eigen språkdugleik, tekstkompetanse og akademiske ferdigheiter står òg sentralt.

Emnet omfattar engelskundervisning for heile barnetrinnet. Dette inkluderer grunnleggande ferdigheiter og kjennskap til læreplanverket, og det som kjennetegner elevene i denne aldersgruppea og deira språkutvikling i engelsk. I tillegg gir emnet innsikt i ulike læringsaktivitetar og metodar for engelskopplæringa i grunnskulen.

Læringsutbytte

Ved fullført emne skal studenten ha fylgjande totale læringsutbytte:

Kunnskap

Studenten

• har grunnleggande kunnskap om lydsystemet i engelsk, ordtilfanget og språkets grammatiske struktur inkludert skildnader og likskapar mellom engelsk og andre språk
• har grunnleggande kunnskap om strukturar i engelsk fra lyd- til tekstnivå
• har kunnskap om korleis barn lærer språk, med fokus på begynnaropplæring
• har kunnskap om læreplanverket og læremiddel for engelskfaget
• kjenner til songar, rim, barnelitteratur og andre kulturelle uttrykk som kan brukes i undervisinga av barn
• har kunnskap om de grunnleggande ferdigheitene i engelskfaget

Ferdigheiter

Studenten

• kan analysere litteratur, og velge ut og legge til rette for arbeid med engelskspråkleg litteratur for barn
• kan identifisere og forklare grunnleggande element i den grammatiske strukturen og lydsystemet i engelsk
• kan planlegge og leie varierte og differensierte læringsaktivitetar, inkludert digitale, som fremjar djupnelæring og utvikling av dei grunnleggande ferdigheitene
• kan legge til rette for tilpassa opplæring
• kan diskutere eit utval skjønn- og faglitteratur skriftleg og munnleg
• kan innhente og tilrettelegge informasjon om samfunnsspørsmål og kulturelle tema til bruk i undervisinga
• kan bruke engelsk munnleg og skriftleg, sikkert og sjølvstendig

Generell kompetanse

Studenten

• kan formidle relevant fagstoff og kommunisere på engelsk på ein måte som er tilpassa elevar på 1.-7. trinn
• kan reflektere over eiga læring og eigen undervisingspraksis i lys av etiske grunnverdiar og skulen sitt ansvar for den personlege veksten til born og unge
• kan arbeide sjølvstendig og saman med andre for å legge til rette for elevar si læring og utvikling
• kan vedlikeholde og utvikle sin eigen språklege og didaktiske kompetanse
• kan skrive akademisk på begynnarnivå

Krav til forkunnskapar

Ingen

Undervisnings- og læringsformer

Emnet omfattar ei rekke strategiar for språklæring og arbeid med eit framandspråk. All undervising i faget føregår på engelsk, og språkøvingsaspektet står sentralt i studentane sitt arbeid.

Arbeidsmåtar i emnet vil vere oversiktsførelesingar, døftingar av fagstoff, par- og gruppearbeid, individuelt arbeid, prosjektarbeid, og skriftlege og munnlege presentasjonar. Studentane vil få erfaring med arbeidsmåtar som kan nyttast i grunnskulen. Studentane må ta aktivt del i læring og undervising, og det er forventa at studentar deltek aktivt i kollokviegrupper og på digitale læringsplattformer òg utanom timeplanfesta undervisingstid. Læringa i emnet forutset samhandling med andre studentar og faglærarar om sentrale utfordringar i faget, utvikling av munnlege og skriftlege ferdigheiter, og studentane sin didaktiske kompetanse. Det er derfor venta at studentane føl all undervising og deltek aktivt i læringsaktivitetane. Det som vert formidla i undervisinga reknast som pensum til eksamen, i tillegg til det som står på leselista. Studiet krev òg ein god del sjølvstendig arbeid.

Praksis er ein integrert del av studiet.

Obligatorisk læringsaktivitet

• Levere inn og motta rettleiing på utkast av semesteroppgåva (individuell skriftleg oppgåve)
• Ein obligatorisk læringsaktivitet knytt til språk/-didaktikk
• Studenten må vere til stades i 80% av undervisinga (samlingar og timeplanfesta seminar)

Det vert gitt oversikt over dei obligatoriske læringsaktivitetane ved semesterstart. Studentane pliktar å orientere seg om og overhalda instruksjonane og innleveringsfristane. Instruksjonane for dei obligatoriske læringsaktivitetane vil òg gje retningslinjer for bruk av kunstig intelligens (KI). Sjå elles retningslinjene til HVL om bruk av KI i læring og vurdering: Korleis bruke kunstig intelligens som student? - Høgskulen på Vestlandet.

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

• Del 1: Individuell munnleg eksamen. Tel 50 % av endeleg karakter.
• Del 2: Individuell skriftleg oppgåve, 1500 ord. Tel 50 % av endeleg karakter.

Vurderingsspråk i emnet er engelsk.

Karakterskala A-F, der F tilsvarer ikkje bestått.

Begge delar må vere bestått for å få karakter i emnet. Ved ikkje bestått på ein av delane, kan den delen takast som ein ny eksamen. Det er mogleg å levera forbetra versjon av Del 2 med same problemstilling ein gong. Etter dette må det skrivast ei heilt ny oppgåve.

Hjelpemiddel ved eksamen

Del 1: Ingen hjelpemiddel.

Del 2: Alle hjelpemiddel er tilletne. Det er ikkje lov å nytte generativ KI til å produsere tekst. For informasjon om bruk av KI i semesteroppgåva, sjå Korleis bruke kunstig intelligens som student? - Høgskulen på Vestlandet og Retningslinjer om fusk - Høgskulen på Vestlandet. Det vert gitt retningslinjer i eksamensoppgåva.

Meir om hjelpemiddel