BBLPR301 Praksis 3. år

Innhald og oppbygging

I tredje studieår skal studenten utvikle evne til pedagogisk leiing og leiing av endrings- og utviklingsprosessar i barnehagen og vise at pedagogisk leiing inneber profesjonsetisk bevissthet. Studenten skal fokusere både på eigen yrkesidentitet og barnehagen sitt samfunnsmandat, og kunne reflektere over dette. Studenten skal utvikle ulike sider ved barnehagelærarrolla der hovudfokuset er studenten si leiing av barn og barnehagen.

Praksis i tredje studieår på barnehagelærarutdanninga er på 25 dagar. Det er ein obligatorisk del av utdanninga.

Studenten skal gjere seg kjend med innhaldet i denne planen og retningslinjene for praksisstudiet på nettsida for praksis i barnehagelærarutdanninga.

Studentane tar ansvar for å være orientert og forberedt til praksis som en del av det å ha dømmekraft og sjølvinnsikt i forbindelse med oppgåver i studiet og kommande profesjonsrolle.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har kunnskap om relevant forsking, metodar og verktøy som grunnlag for å leie barnehagen som lærande organisasjon

Ferdigheiter

Studenten

• kan reflektere over balansen mellom målstyrt pedagogisk leiing og dialog med medarbeidarar
• kan reflektere over balansen mellom å ta omsyn til eigne behov og å vere orientert mot andre

Generell kompetanse

Studenten

• kan stå fram som barnehagelærar og kunne reflektera rundt ulike sider ved profesjonsutøvinga generelt og fordjupinga spesielt
• kan auke si generelle pedagogiske leiarkompetanse

Krav til forkunnskapar

Praksis andre studieår (BBLPR201) må vere bestått for at du kan starte denne praksisperioden.

Undervisnings- og læringsformer

Praksis tredje studieår på barnehagelærarutdanninga er på 25 dagar. Det er ein obligatorisk del av utdanninga. Studenten skal ha minimum 5 leiardager i praksis tredje studieår.

Deltaking på praksisførebuande seminar.

All praksis blir gjennomført i barnehage.

Obligatorisk læringsaktivitet

-

Vurderingsform

25 dagar rettleidd og vurdert praksis fordelt på haust og vår med krav om 100% frammøte.

Praksis skal vurderast under eitt, med undervegsvurdering etter endt haustpraksis.

Praksis er fordelt ulikt på dei ulike campusa og dei ulike fordjupingane.

Sluttvurdering vår: Bestått/Ikkje bestått.

Om praksis ikkje blir bestått, kan studenten gjennomføre eit andre forsøk neste gong praksis går ordinært. Dette kan påverke studenten sin studieprogresjon.

Studenten kan ikkje klage på karakteren i praksis, men kan klage på formelle feil.

Hjelpemiddel ved eksamen

-

Meir om hjelpemiddel