FLKI8106 Bevegelse, leik og utforsking i barnehagen

Innhald og oppbygging

Målet med emnet er å auke studentane sin innsikt i samanhengar mellom bevegelse, leik og utforsking og barna si heilskaplege utvikling, læring, helse og trivsel. Sentralt i emnet er utvikling av eigen praksis knytt til arbeid med bevegelse, leik og utforsking i eigen barnehage. Læringsmåla er sentrerte rundt faglege kunnskapar om og ulike perspektiv på bevegelse, leik og utforsking, korleis bevegelse, leik og utforsking kan gi barn ulike erfaringar som fremmar deira heilskaplege utvikling, og korleis barnehagen kan leggje til rette for og integrere bevegelse, leik og utforsking i ulike fagområde. Refleksjon over ulike perspektiv på verdien av bevegelse, leik og utforsking inkludert leiken sin eigenverdi og verdi for læring og helse, samt spenninga mellom planlagt og spontan aktivitet, er også sentralt. Emnet vil vidare vektleggje refleksjon rundt barnehagelærarrolla i høve til korleis ein kan sjå bevegelse, leik og utforsking i samanheng med barnehagen sitt mandat. Emnet vil bygge på autonomi og demokrati som viktige verdigrunnlag, der personalet (studentane) og barn sin medverknad er føresetnadar for utforsking av nye tenkjemåtar og aktivitetar i barnehagen. Emnet legg opp til ei kopling mellom teori og praksis, der studentane vil få oppgåver som skal gjennomførast i eigen barnehage.

Læringsutbytte

Ved fullført emne skal studenten ha følgjande totale læringsutbytte:

Kunnskapar

Studenten

• har tverrfagleg teoretisk kunnskap om bevegelse, leik og utforsking og ulike perspektiv på korleis desse omgrepa kan forståast
• har kunnskap om bevegelse, leik og utforsking i eit helse-, utviklings- og profesjonsperspektiv
• har inngåande kunnskap om korleis barnehagen kan fremme og integrere bevegelse, leik og utforsking i tråd med styringsdokument for barnehagen

Ferdigheiter

Studenten

• kan leggje til rette for, støtte og utvikle barn sin bevegelse, leik og utforsking
• kan kritisk reflektere over barnehagelærarrolla og eigen praksis i høve til bevegelse, leik og utforsking
• kan bruke pedagogisk og didaktisk kunnskap i leik- og læringssituasjonar
• kan integrere bevegelse, leik og utforsking og fagområda i Rammeplanen

Generell kompetanse

Studenten

• kan reflektere over betydinga av bevegelse, leik og utforsking for barn si helse og utvikling
• kan planleggje, gjennomføre og kritisk reflektere over tiltak for bevegelse, leik og utforsking i barnehagen
• er bevisst eiga rolle og barnehagen sin rolle for fremming av bevegelse, leik og utforsking
• kan leie dialogar om faglege utfordringar i personalgruppa i barnehagen

Krav til forkunnskapar

Ingen

Tilrådde forkunnskapar

Ingen

Undervisnings- og læringsformer

Emnet vil ha fysiske samlingar på høgskulen (Campus Bergen) og nettundervising. Arbeidsmåtar vil veksle mellom førelesingar, praktisk aktivitet, diskusjon i grupper og sjølvstendig refleksjon. Emnet vil ha obligatoriske læringsaktivitetar knytt til utprøvingsarbeid i eigen barnehage, refleksjon og erfaringsdeling. Emnet vil utvikle studentane sin digitale kompetanse gjennom bruk av digitale verktøy i det pedagogiske arbeidet.

Obligatorisk læringsaktivitet

Emnet har tre obligatoriske læringsaktivitetar:

• Gjennomføring av tiltak for bevegelse, leik og utforsking i eigen barnehage
• Munnleg presentasjon av gjennomført tiltak i eigen barnehage
• Utarbeiding av eit skriftleg didaktisk refleksjonsnotat av tiltak i eigen barnehage

Dei obligatorisk læringsaktivitetane er kopla til læringsutbyta om å kunne leggje til rette for, støtte og utvikle barn sin bevegelse, leik og utforsking, kunne kritisk reflektere over barnehagelærarrolla og eigen praksis i høve til bevegelse, leik og utforsking, kunne planleggje, gjennomføre og kritisk reflektere over tiltak for bevegelse, leik og utforsking i barnehagen, og kunne leie dialogar om faglege utfordringar i personalgruppa i barnehagen.

I obligatoriske læringsaktivitetar er alle hjelpemiddel tillatt. Ved bruk av kunstig intelligens (KI), skal bruken presiserast i oppgåva. Tillatt bruk jamført trafikklysmodellen er gult nivå, der følgjande gjeld: Generativ KI kan brukast som støtte i skriveprosessen, men studenten skal ikkje kopiere og lime inn tekst generert av KI utan å omarbeide og integrere det med eigne refleksjonar. Døme på KI som hjelpemiddel kan vere støtte til språkvask, struktur, disposisjon og idémyldring. Dokumentasjonskrav for KI-bruk: I oppgåva skal det gjerast greie for kva for KI-verktøy som vart nytta og korleis dei ble nytta. Studentar som ikkje tek i bruk KI-verktøy, skal også presisere dette i teksten.

For meir informasjon om bruk av KI og trafikklysmodellen, sjå

Korleis bruke kunstig intelligens som student? - Høgskulen på Vestlandet

Trafikklysmodell for KI-bruk - Høgskulen på Vestlandet

Dei obligatoriske læringsaktivitetane må vere godkjende av emneansvarleg seinast 2 veker før studenten kan framstille seg til eksamen. Dersom ein obligatorisk læringsaktivitet blir vurdert som ikkje godkjend, skal det bli gitt ei grunngjeving for dette. Studentar som ikkje får godkjend ein obligatorisk læringsaktivitet vil, så langt det let seg gjere innan fastsette fristar, få eit nytt forsøk i inneverande semester.

Vurderingsform

Individuell munnleg eksamen. Studenten får ei oppgåve som skal presenterast munnleg med avsluttande samtale. Eksamen har eit omfang på 30 minutt.

Karakterskala: A-F

Hjelpemiddel ved eksamen

Førebuing til eksamen: Alle hjelpemiddel er tillate.

Ved bruk av kunstig intelligens (KI), skal bruken presiserast i oppgåva. Tillatt bruk jamført trafikklysmodellen er gult nivå, der følgjande gjeld: Generativ KI kan brukast som støtte i skriveprosessen, men studenten skal ikkje kopiere og lime inn tekst generert av KI utan å omarbeide og integrere det med eigne refleksjonar. Døme på KI som hjelpemiddel kan vere støtte til språkvask, struktur, disposisjon og idémyldring. Dokumentasjonskrav for KI-bruk: I oppgåva skal det gjerast greie for kva for KI-verktøy som vart nytta og korleis dei ble nytta. Studentar som ikkje tek i bruk KI-verktøy, skal også presisere dette i oppgåva.

For meir informasjon om bruk av KI og trafikklysmodellen, sjå

Korleis bruke kunstig intelligens som student? - Høgskulen på Vestlandet

Trafikklysmodell for KI-bruk - Høgskulen på Vestlandet

Under munnleg eksamen: Kun førebudd materiale til presentasjonen er tillate.

Meir om hjelpemiddel