INTP513 Pasientsikkerheit, teknologi og digital kompetanse i intensivsjukepleie

Innhald og oppbygging

Emnet omhandlar grunnleggande krav til utøving av intensivsjukepleie. Videre legg emnet vekt på verdien av intensivsjukepleiefaglege fagforståing ved systematisk observasjon, vurdering og monitorering av den akutt/kritisk sjuke pasienten i alle aldrar. Emnet er knytt til sjukepleie i eit høgteknologisk miljø med raske endringar i pasientsituasjonen og høge krav til omsorg, orden og oversikt og praktiske ferdigheiter. Pasientsikkerheit og kunnskapsbasert praksis er sentralt i dette emnet. Bruk av medisinsk teknisk utstyr, medikamenthandtering, dokumentasjonssystem og hygiene i intensivavdelinga er sentrale tema.

Læringsutbytte

Ein student med fullført emne skal ha følgjande totale læringsutbytte definert i kunnskap, ferdigheiter og generell kompetanse:

Kunnskap: Studenten…

• har avansert kunnskap om organsvikt og akutte sjukdomar

• har avansert kunnskap om indikasjoner i bruk av og prinsipp for relevant medisinsk utstyr i intensivmedisinsk behandling

• har avansert kunnskap om digitale verktøy, inkludert personvern, som er relevant for intensivmedisinsk behandling

• har avansert kunnskap om kliniske undersøkingsmetodar og vurderingsverktøy for å utøve intensivsjukepleie

• har inngåande kunnskap om forhold som fremjer og hemmar meistring og eigenomsorg i utøvinga av intensivsjukepleie

Ferdigheiter: Studenten…

• kan sjølvstendig gjennomføre systematisk overvaking av pasienten

• kan sjølvstendig administrere relevant monitoreringsutstyr

• kan bruke og kontrollere relevant medisinsk utstyr og har eit reflektert forhold til denne teknologien sine moglegheiter og avgrensingar

• kan bruke prinsipp for smittevern og iverksette infeksjonsførebyggande tiltak i intensivavdelingar

• kan analysere pasienten og pårørande sin helsekompetanse og bruke dette som verkemiddel i kommunikasjon for å fremje brukarmedverknad og tilpassa tenester

Generell kompetanse: Studenten…

• kan bruke spesialiserte kunnskapar og ferdigheiter for å utføre kliniske vurderingar ved heilt eller delvis kompenserande intensivbehandling og omsorg

• kan sjølvstendig dokumentere, kvalitetssikre og formidle kunnskapsbasert fagleg informasjon om intensivpasienten

• kan bidra til at implementering og bruk av digitale verktøy og medisinsk utstyr er fagleg forsvarleg

• kan analysere etiske og juridiske utfordringar ved bruk av teknologi og digitale løysingar som er relevante for intensivsjukepleie

• kan anvende kunnskapar og ferdigheiter til kritisk refleksjon for å søke, vurdere og anvende ny kunnskap

Krav til forkunnskapar

Bestått emne:

INT510 Intensivsjukepleie som fag og profesjon

INT511 Fysiologi, patofysiologi og farmakologi ved akutt og kritisk sjukdom

Godkjende arbeidskrav i INT512: Observasjons-, vurderings-, avgjerds- og handlingskompetanse i intensivsjukepleie

Undervisnings- og læringsformer

Praksisstudium med vekt på pasientsikkerheit, teknologi og digital kompetanse. Dagleg rettleiing frå intensivsjukepleiar. Ein av dei vitskapleg tilsette innan intensivjukepleie bistår i pedagogiske spørsmål inkludert planlegging av læringsaktivitetar som klinikksamling, rettleiingsmetodikk og evaluering. Simulering og ferdigheitstrening av akutte og livstruande pasientsituasjonar i intensivavdelingar. Trening i elektromedisinsk utstyr (EMU). Sjølvstudium.

Obligatorisk læringsaktivitet

Følgande obligatoriske læringsaktivitetar må vere godkjende for å bestå praksis:

1. Ein forventningssamtale med individuell plan for å oppnå læringsutbyttene, ei midtveisevaluering og ei sluttevaluering.

2. Skriftlige arbeidskrav tilknyttet praksis.

3. Deltaking og presentasjon på klinikksamlingar. Studentene jobber alene eller sammen om en presentasjon av pasientcase eller tema knyttet til emnets læringsutbytter.

4. Praktisk test i elektromedisinsk utstyr (EMU) og kliniske prosedyrar, inntil 2 forsøk.

5. Deltaking på simulering

Vurderingsform

Praksis vert vurdert til bestått/ikkje bestått

Ved ikkje bestått praksis, må heile emnet gjennomførast på nytt ved neste ordinære emnestart.

Hjelpemiddel ved eksamen

Alle

Meir om hjelpemiddel