SOS310 Arbeidssosiologi

Innhald og oppbygging

Emnet gjev innsikt i nokre sentrale delar av arbeidssosiologien, og er ei fordjuping av kunnskap om arbeid som studentane møter tidlegare i studiet. Emnet vil presentere og drøfte organisering og styring av moderne arbeidsprosessar, verknaden av digitalisering og andre teknologiske endringar, kva vilkår arbeidstakarar har til å påverke arbeidskvardagen og problemstillingar kring arbeidsmigrasjon, diskriminering og likestilling i arbeidslivet. Den sosiologiske forståinga av verknadar av klasse, etnisitet og kjønn i sosiale prosessar, kjem fram i studiet av det moderne arbeidslivet. Emnet inneheld og ein introduksjon til forskingsmetoden deltakande observasjon (etnografisk feltarbeid), ein kvalitativ tilnærming godt eigna til å studere arbeidsprosessar og arbeidsorganisasjon.

Læringsutbytte

Kunnskap

Etter fullført emne skal studenten ha brei kunnskap om:

• sosiologiske analysar av makt og innverknad i det moderne arbeidslivet.
• klasse- og kjønnsdimensjonar som kan kome til uttrykk i arbeidslivsrelasjonar.
• kva rolle digitalisering og ny teknologi spelar for endringar i arbeidsprosessar og arbeidslivsrelasjonar.
• korleis ein kan bruke ulike metodar (særskilt etnografiske) for å opparbeide kunnskap om dagens arbeidsliv, spesielt i samband med deltaking i, og observasjon av arbeidsprosessar.

Ferdigheiter

Etter fullført emne skal studenten kunne:

• bruke arbeidssosiologi til å identifisere og diskutere prosessar som endrar arbeidslivet i dag.
• bruke etnografiske metodar for å få innsikt i sosiale prosessar, relasjonar og strukturar i ein arbeidsorganisasjon.

Generell kompetanse

Etter fullført emne skal studenten:

• ha innsikt i omgrep og tilnærmingar frå arbeidssosiologi som grunnlag for å forstå og utvikle arbeidslivet som deltakar, student eller utgreiar.
• kunne formidle relevant og oppdatert kunnskap til å forstå prosessar i moderne arbeids- og organisasjonsliv.
• kjenne til bakgrunnen for tenkinga rundt og politikken for innovasjonsprosessar i arbeidslivet.

Krav til forkunnskapar

Ingen

Tilrådde forkunnskapar

SOS130 Klassiske sosiologiske perspektiv

SOS140 Nyare sosiologiske perspektiv

SOS160 Sosiologisk forskingsmetode

Undervisnings- og læringsformer

Førelesing og sjølvstudium.

Obligatorisk læringsaktivitet

Ingen

Vurderingsform

Heimeeksamen (5 dagar) med omfang på 2000 til 2200 ord.

Karakterskala A-F, der F svarar til ikkje greidd.

Hjelpemiddel ved eksamen

Alle

Meir om hjelpemiddel

Fagleg overlapping

• SA592 - Arbeidssosiologi med metode - Reduksjon: 10 studiepoeng