SOS330 Økonomisk sosiologi

Innhold og oppbygning

Emnet har oppstart studieåret 2026/2027. Fullstendig emnebeskrivelse vil bli publisert våren 2026.

Emnet gir ei meir konsentrert innføring i sambandet mellom økonomi og samfunn enn tidlegare emne formidlar. Historia til kapitalisme som økonomisk system blir presentert. Vidare blir perspektiv i økonomifaget halde opp mot perspektiv i økonomisk sosiologi, som vektlegg økonomien som innvevd i samfunnslivet. Økonomi er ikkje berre effektiv ressursutnytting gjennom marknadar for tilbod og etterspurnad og profittmaksimering. Institusjonen er like mykje resultat av politiske avgjerder og strid mellom samfunnsgrupper. Emnet prøvar dermed å sjå økonomi og samfunn som gjensidig avhengige fenomen som får ulike former på tvers av land og kontinent, og som er i stadig endring, ofte gjennom kriser med stor geografisk spreiing.

Emnet går også nærmare inn på forståinga av makt i sosiologien. Fenomenet makt eignar seg godt til å illustrere korleis økonomi og samfunn er vevd tett saman.

Læringsutbytte

Etter fullført emne har kandidaten tileigna seg

Kunnskapar

- kunnskap om kapitalismens historie og sentrale aktørar.

- kunnskap om kva sosial makt er, og korleis sosiologien omgrepsfestar og analyserer makt.

- kunnskap om korleis vestleg kapitalisme har gitt form til moderniteten; institusjonelt, kulturelt og i samhandlingsformer.

- kunnskap om konkrete, historisk betinga kapitalistiske samfunn, og forskjellar mellom desse.

Ferdigheiter

- Forståing av betydninga av samfunnsøkonomiske system, samspelet mellom institusjonar i slike system, og maktformene som oppstår i kjølvatnet av dei.

- Evne til å analysere forskjellar mellom samfunn som alle er "kapitalistiske", men som er forma av særeigen historie og kultur.

- Dugleik i klar formidling av kapitalismens særdrag, verkemåtar, tilpassingsformer og endringar.

Generell kompetanse

- Kunne tolke dagsaktuelle hendingar i lys av ei forståing av sambandet mellom økonomi og samfunn.

- Delta i ordskifte om omstilling, berekraftig innovasjon og arbeidstakarkompetanse med grunnlag i kunnskap frå emnet

- Kjenne att eldre og nyare aktørar i kapitalistisk samfunnsendring, og medverke til samfunnets refleksjon over eiga utvikling.

Krav til forkunnskaper

Ingen

Anbefalte forkunnskaper

SOS130 og SOS140

Undervisnings- og læringsformer

Førelesningar, oppgåveskriving og sjølvstudium.

Obligatorisk læringsaktivitet

Fagtekst av omfang 800 ord. Studentane får tilbod om felles rettleiing i oppgåveseminar og fullfører deretter teksten innan ein frist sett av faglærar. Vurderingsform på arbeidskravet: Greidd/ ikkje greidd.

Vurderingsform

Individuell munnleg eksamen, omlag 20 minutt.

Karakterskala A-F, der F svarar til ikkje greidd.

Hjelpemidler ved eksamen

Ingen

Mer om hjelpemidler

Faglig overlapping

• SO202 - Kapitalisme og makt - Reduksjon: 10 studiepoeng