SOS340 Sosiologisk analyse og metode

Innhold og oppbygning

Emnet går inn på sosiologiske forskingsmetodar (både kvalitative og kvantitative) i samanheng med sosiologisk analysearbeid. Studentane får praktisk og teoretisk opplæring i sosiologisk analyse, dvs. innsikt i korleis sosiologar ved kritisk prøving av teori og empiri, får desse elementa til å henge saman i eit overtydande skriftleg argument. Studentane får i oppgåve å setje seg inn i korleis analyse har blitt gjort av sosiologar ved å lese fleire artiklar opp mot kvarandre, og å samanlikne desse. Eit føremål med emnet er å gi studentane eit betre metodisk og teoretisk grunnlag for å skrive eiga bacheloroppgåve i emnet SOS350.

Læringsutbytte

Etter fullført emne har studentane følgjande kunnskapar, ferdigheiter og generelle kompetanse:

Kunnskapar:

• Kunnskap om kva sosiologisk analyse er, særskilt knytt til arbeidet med å dele opp eit sosialt fenomen (analyse) og å setje det saman på nytt, informert av sosiologisk teori (syntese).
• Kunnskap om sosiologisk analyse som tek sikte på å skape ulike former for sosiologisk kunnskap, t.d. oppdagande, teoriutviklande, teoriprøvande analyse.
• Kunnskap om sosiologiske "case", og korleis sosiologar skapar og nyttar case i analytisk arbeid.

Ferdigheiter:

• Evne til å identifisere kva for sentrale teoretiske og metodiske grep som er brukt i ei sosiologisk undersøking
• Kunne skilje mellom ulike typar sosiologisk analyse
• Gjere gode vurderingar av kva for sosiologiske metodar som høver til ulike problemstillingar

Generell kompetanse:

• Kunne finne fram til og leggje fram hovudfunna i ein sosiologisk artikkel eller monografi.
• Peike ut kva for metodar, teoriar og empiri som blir nytta i sosiologisk forsking, og korleis ein kan skape samanheng mellom desse komponentane.
• Evne til å vurdere betydninga av samfunnsvitskapleg forsking i ordskifte i samfunnet, både når det gjeld konkrete prosjekt og denne typen forsking generelt.

Krav til forkunnskaper

Minimum 30 studiepoeng i sosiologi.

Anbefalte forkunnskaper

SOS160, SOS130, SOS140

Undervisnings- og læringsformer

Førelesingar og kollektiv gjennomgang av utvalde sosiologiske tekstar. Studentane les tekstane individuelt og diskuterer analytiske dimensjonar seg i mellom. Ein del av undervisninga kan nyttast til å utvikle ei kort skisse til eiga bacheloroppgåve. Sjå også obligatorisk arbeidskrav.

Obligatorisk læringsaktivitet

Studentar legg gruppevis fram ein eller fleire tekstar for dei andre studentane, der oppgåva er å få fram dei viktigaste metodiske, teoretiske og empiriske elementa i teksten/ tekstane, og å gjere greie for samanhengen mellom desse elementa. Studentane kan velje ein eller fleire sosiologiske fagtekstar fritt, eller frå eit utval gitt av faglærar.

Vurderingsform: Greidd/ ikkje- greidd

Vurderingsform

Digital munnleg eksamen. Eksamen er individuell og varer i 20 min.

Karakterskala A - F

Hjelpemidler ved eksamen

Ingen

Mer om hjelpemidler