ØAA117 Praktisk prosjektleiing

Innhald og oppbygging

I praktisk prosjektleiing arbeider kandidatane i team for å gjennomføre eit prosjekt i løpet av semesteret. Det blir lagt vekt på at kandidatane skal ta tak i faktiske problemstillingar med ei interesseorientert tilnærming og ha fokus på brukarane sine behov. Emnet er utforma for å styrke kandidatane sin kompetanse og ferdigheiter innan utvikling, organisering og leiing av verkelege prosjekt.

Kandidatane få ei grundig innføring i ulike fasar av prosjekt- og teamarbeid, med teoretisk opplæring og innføring i omgrep, metodar og verktøy. Praksisnære utfordringar oppmuntrar til kreativitet og ei løysingsorientert tilnærming. Kandidatane utviklar ferdigheiter knytte til prosjektleiing gjennom praktisk bruk av teori, verktøy og metodar. Det vert lagt vekt på at kandidatane skal vere i stand til å diskutere og reflektere på eit fagleg nivå. I tillegg skal kandidatane utvikle og kunne reflektere over eigne evner innan teamarbeid, samt øve seg på munnlege presentasjonar.

Læringsutbytte

Kandidaten vil, etter å ha gjennomført og bestått dette emnet, ha:

Kunnskapar om:

• Betydinga av prosjekt, verdiskaping og prosjektsuksess
• Prosjektdefinering, samt val av gjennomføringsstrategi og planlegging
• Prosjektleiing og -organisering
• Leiing i prosjekt, samt team og teamutvikling
• Handtering av usikkerheit, inkludert identifisering, analyse, prioritering og utvikling av tiltak for å handtere usikkerheitsfaktorar
• Interessentar og handtering av interessentar
• Læring og innovasjon i prosjekt, samt berekraft og etikk i prosjektarbeid
• Avslutning av prosjekt

Ferdigheiter:

• Skildre teoriar og modellar for prosjektleiing og anvende desse i praksis
• Bruke Excel eller tilsvarende for å utvikle plan-dokument
• Velje ut og anvende relevante analysar og modellar for eit gitt prosjekt
• Formidle relevant fagleg kunnskap til ulike interessentar, både skriftleg, munnleg og visuelt, inkludert utforming av plan-dokument og rapportar
• Reflektere over eiga fagleg utøving

Generell kompetanse:

• Samarbeide i team for å skape eit felles produkt
• Kritisk refleksjon over eiga fagleg utøving og utvikling
• Utveksle og formidle synspunkt og erfaringar med andre innanfor prosjektarbeid for å bidra til utvikling av god praksis

Krav til forkunnskapar

Ingen

Undervisnings- og læringsformer

Studentaktive undervisingsformer inspirert av prosjektbasert, problembasert og casebasert læring. Presentasjonar, basert på ein aktiv og dialogbasert læringsmodell, diskusjon i team og rettleiing.

Obligatorisk læringsaktivitet

Det er tre arbeidskrav:

• Oppstartsrapport
• Statusrapport
• Sluttrapport

Alle arbeidskrava blir gjennomført i team. Arbeidskrava må vere godkjende for å kunne gå opp til eksamen; dei blir vurdert til bestått/ikkje bestått og er berre gyldige for inneverande og påfølgjande semester.

Vurderingsform

Vurderinga er ein munnleg eksamen; der teamet presenterer arbeidet med prosjektet, samt refleksjonar, erfaringar og læring opparbeidd gjennom semesteret. Eksamen gjennomførast i team og har ein varigheit på 30 minutt. Eksamen består av ein presentasjonsdel og ein diskusjonsdel der alle deltakarane i teamet må vere aktive under begge delar av eksamen.

Dersom ein kandidat ønskjer å forbetre karakteren sin, må både arbeidskrava og eksamen gjennomførast på nytt ved neste gjennomføring av kurset. Karakterskalaen er A-F, der F tilsvarer ikkje bestått.

Hjelpemiddel ved eksamen

Digitale presentasjonsverktøy

Meir om hjelpemiddel