ØAL120 Knowledge Management in Supply Chain Management

Innhald og oppbygging

Dette emnet omfattar styring, deling og bruk av kunnskap i moderne, datadrivne forsyningskjeder. Faget gir ei innføring i kunnskapsleiing, digital samhandling og bruk av analyseverktøy for å støtte læring og forbetring i forsyningsnettverk. Gjennom praktisk arbeid i Python, Jupyter Notebooks og BI-verktøy lærer studentane å samle, strukturere og visualisere data som grunnlag for kunnskapsdeling og beslutningsstøtte i forsyningskjedeleiing.

Læringsutbytte

Kunnskap

Etter fullført emne skal studenten kunne:

• Forklare sentrale omgrep og modellar innan kunnskapsleiing, lærande organisasjonar og digitalisering.

• Skildre korleis dataanalyse og BI-verktøy kan støtte kunnskapsdeling og forbetringsarbeid i forsyningskjeder.

• Gjere greie for prinsippa bak data governance og beslutningsstøtte i digitale organisasjonar.

• Forklare korleis organisatorisk læring og resiliens kan styrkjast gjennom analyse og erfaringsutveksling.

• Reflektere over etiske og berekraftige aspekt ved bruk av data og digitale verktøy i kunnskapsstyring.

Ferdigheiter

Etter fullført emne skal studenten kunne:

• Bruke Python og BI-verktøy til å samle, strukturere og visualisere data for læring og forbetring.

• Gjennomføre enkel analyse av kunnskapsflyt og forbetringsprosessar i ei forsyningskjede.

• Bygge enkle dashboards som synleggjer mønster, trendar og læring over tid.

• Samarbeide i team om digitale prosjekt som fremjar kunnskapsdeling og kontinuerleg forbetring.

• Formidle resultat og læringspunkt på ein tydeleg og praktisk måte.

Generell kompetanse

Etter fullført emne skal studenten kunne:

• Forstå korleis kunnskapsstyring og dataanalyse bidreg til innovasjon og effektivitet i forsyningskjeder.

• Reflektere over etiske og samfunnsmessige konsekvensar av datadriven læring og digital samhandling.

• Bidra til utvikling av lærande organisasjonar gjennom bruk av enkle digitale verktøy.

• Utvikle medvit om kontinuerleg læring og eiga kompetanseutvikling i møte med teknologisk endring.

Krav til forkunnskapar

Bestått ØAL118 og ØAL121.

Tilrådde forkunnskapar

Forkunnskapar innan bedriftsøkonomi er ein fordel.

Undervisnings- og læringsformer

Klasseromsundervisning og oppgåveseminar kombinert med gruppearbeid. Gruppebasert rettleiing etter behov.

Obligatorisk læringsaktivitet

• 1 gruppebasert obligatorisk arbeidskrav (semesteroppgåve) må vere bestått for å kunne ta eksamen.
• 1 gruppebasert munnleg framføring av obligatorisk arbeidskrav (semesteroppgåve) må vere bestått for å kunne ta eksamen.
• Obligatorisk oppmøte på oppgåveseminar

Til saman 3 obligatoriske arbeidskrav

Vurderingsform

Skuleeksamen, 4 timar

Tid og stad for eksamen blir opplyst på Studentweb.

Karakterskala A-F, der F svarer til ikkje bestått.

Hjelpemiddel ved eksamen

Ingen

Meir om hjelpemiddel