ØAO016 Strategi og verksemdsutvikling

Innhald og oppbygging

Kurset gir ei innføring i grunnleggjande strategiske perspektiv og analysar. Gjennom kurset vil kandidatane opparbeide seg kunnskap om strategiske metodar og utvikle ei forståing for strategisk tenking. Kurset gir òg kandidatane ei grunnleggjande innføring i forretningsutvikling.

Kandidatane vil arbeide i grupper med to arbeidskrav og ein semesteroppgåve. Desse er forma slik at kandidatane får øvd seg på å bruke kunnskapane, ferdigheitene og dei generelle kompetansane som er skildra under.

Læringsutbytte

Etter å ha gjennomført og bestått emnet vil kandidatane ha tileigna seg kunnskapar, ferdigheiter og generell kompetanse som beskrive under:

Kunnskapar:

• God innsikt i sentrale tema, teoriar, problemstillingar og metodar knytt til strategifaget.
• Innsikt i dei viktigaste årsakene til lønnsemdforskjellar mellom verksemder.
• Kunnskap om korleis ein kan identifisere moglegheiter for forretningsutvikling, og korleis ein kan leggje til rette for å utnytte desse.

Ferdigheiter:

• Gjennomføre strategiske analysar av verksemder sine omgjevnadar, ressursar og aktivitetar.
• Identifisere og drøfte problemstillingar knytt til strategiske val og operasjonalisering av strategi.
• Identifisere og analysere kva element som er viktige for verksemder si evne til å skape og kapre verdi over tid.
• Identifisere ei verksemd si forretningsidé og -modell, samt formulere forslag til alternativ forretningsidé og -modell.

Generell kompetanse:

• Forstå betydinga av strategi og forretningsutvikling for verksemder.
• Evne til kritisk refleksjon rundt tema i emnet.
• Evne til å presentere fagstoff og analyse både skriftleg og munnleg.

Krav til forkunnskapar

Ingen

Tilrådde forkunnskapar

Kunnskapar tilsvarande grunnleggande marknadsføring (t.d. BØA116) og grunnleggande organisasjonsfag (f.eks. BØA112). Noko forkunnskapar i samfunnsøkonomi og bedriftsøkonomi er ein fordel.

Undervisnings- og læringsformer

Forelesningar, gruppearbeid og praktiske øvingar.

Obligatorisk læringsaktivitet

For å levere semesteroppgåva må dei følgjande to arbeidskrava være bestått:

1. Ei skriftleg gruppeoppgåve.
2. Eit skriftleg eller munnleg gruppearbeid som skal delast med klassen.

Obligatoriske arbeidskrav gjeld eksamenssemesteret og dei 3 påfølgjande semestra.

Vurderingsform

Semesteroppgåve som skal løysast i gruppe (100 % av endeleg karakter)

Karakterskala A-F, der F svarar til ikkje bestått.

Hjelpemiddel ved eksamen

Alle hjelpemiddel er tillatne.

Meir om hjelpemiddel

Fagleg overlapping

• ØAO014 - Strategisk leiing og logistikk - Reduksjon: 4 studiepoeng
• ØKB2123 - Føretaksstrategi - Reduksjon: 7,5 studiepoeng
• OR6-1005 - Strategi - Reduksjon: 7,5 studiepoeng
• ØKB2018 - Føretaksstrategi - Reduksjon: 5 studiepoeng
• SA079 - Strategi - Reduksjon: 6 studiepoeng
• ØKB2106 - Føretaksstrategi - Reduksjon: 7,5 studiepoeng
• ØKB018 - Føretaksstrategi - Reduksjon: 6 studiepoeng
• ØKB2109 - Føretaksstrategi - Reduksjon: 7,5 studiepoeng
• ØKB2119 - Føretaksstrategi - Reduksjon: 7,5 studiepoeng
• STR801 - Strategi- og verksemdutvikling - Reduksjon: 7,5 studiepoeng