BIO207 Ekstern praksis 1

Innhald og oppbygging

Studenten er i ekstern praksis i tre veker (15 arbeidsdagar) på eit sjukehuslaboratorium innan fagområda: Hematologi og koagulasjon, Immunologi, Medisinsk mikrobiologi, Patologi, eller Transfusjonsmedisin/Blodbank.

Studenten får innsikt i den bioingeniørfaglege profesjonsutøvelsen ved å få delta i den daglege rutinen ved praksisplassen der læring blir knytta til autentiske situasjonar og problemstillingar. Hovedfokus vil vere forståing for ansvar og aktivitet som går føre seg ved praksisplassen, arbeidsrutinar og prosedyrer, analyse- og produkt-kvalitet, korrekt avfallshåndtering og samarbeid mellom kollegaer og andre yrkesgrupper.

Læringsutbytte

Etter gjennomført emne har studenten følgjande læringsutbytte definert i kunnskap, ferdigheiter og generell kompetanse:

Kunnskaper:

Studenten

• Kjenner til laboratoriet si rolle inn mot pasientbehandling
• Kjenner til pre- og post-analytiske forhold sentrale for aktiviteten ved praksisplassen
• Kan forklare prinsipp for nokre metodar som blir utført på praksisplassen
• Kjenner til system for kvalitetsstyring og kvalitetssikring ved praksisplassen
• Kjenner til laboratorieinformasjonssystem (LIS) på praksisplassen

Ferdigheiter:

Studenten

• Kan delta i nokre bioingeniørfaglege oppgåver i høve til gjeldande prosedyrer på praksisplassen
• Utøver forsvarlig avfallshandtering både i høve til til smittefare og miljø
• Utøver god kommunikasjon og samhandling med pasientar, blodgjevarar, kollegaer og andre yrkesgrupper
• Kan under rettleiing sikre kvalitet og vurdere analyseresultata si pålitsgrad eller produkta sin kvalitet

Generell kompetanse:

Studenten

• Tek ansvar og viser initiativ i ulike arbeidssituasjonar
• Kan reflektere over eige faglege arbeid, ta til seg seg ny kunnskap, søkje og ta imot rettleiing

Krav til forkunnskapar

Tilsvarande krav til opptak i andre studieår som definert i studieplan for bioingeniørutdanninga.

Vidare er det krav om godkjente obligatoriske arbeidskrav i følgjande emne: BIO201 Hematologi og immunologi, BIO202 Patologi, BIO203 Medisinsk laboratorieteknologi 2 - immunologiske metodar, BIO204 Medisinsk mikrobiologi og BIO205 Transfusjonsmedisin.

Undervisnings- og læringsformer

Rettleia ekstern praksis

Obligatorisk læringsaktivitet

• Innlevering av individuelle læringsmål før praksis startar.
• Deltaking i refleksjonsgruppe
• Fagspesifikt oppgåve (blir nærare omtala i plan for praksis, men kan f.eks. vere ein relevant case, podcast, video eller lignande som presenterer praksisplassen, metode eller instrument)
• Innlevering av individuelt refleksjonsnotat etter praksisperioden

Vurderingsform

Vurderinga består av to delar:

1. Godkjent praksisperiode (15 arbeidsdagar) og med maksimalt 10 % godkjend fråver.
2. Presentasjon av fagspesifikk oppgåve relatert til praksisperioden for medstudentar og faglærarar.

Emnet blir vurdert til Greidd / Ikkje greidd.

Begge delar (ekstern praksis og presentasjon) må vere godkjent for å få karakter i emnet. Studentar som er fråverende, eller av andre grunnar ikkje får godkjend ekstern praksis, vil ikkje kunne ta ny praksisperiode inneverende semester og vil slik måtte vente til neste gong emnet går. Ein student har berre rett til to forsøk i ekstern praksis i emnet totalt, jmf. Forskrift om studium og eksamen ved Høgskulen på Vestlandet, § 10-12.

Hjelpemiddel ved eksamen

Alle hjelpemiddel er tillete

Meir om hjelpemiddel