FØS8401 Endringsledelse med læringsrom for bærekraftig utvikling

Innhald og oppbygging

Emnet gir ei praktisk innføring i korleis læringsrom og tankeverktøy kan nyttast som støtte i endringsprosessar og organisasjonsutvikling. Studentane lærer å arbeide strukturert med refleksjon, visuell styring og samhandling for å fremje berekraftige løysingar i verksemder.

Undervisninga er organisert i ei kombinasjon av fysiske og digitale samlingar, og inneheld førelesingar, case-studiar, gruppeøvingar og refleksjonsarbeid.

Hovudtema i emnet:

• Endringsleiing i praksis: struktur, forankring og heilskapleg tilnærming
• Læringsrom og visuell styring: bruk av tavler og felles møteplassar
• DSRP som tenkjemodell: struktur for kritisk refleksjon og analyse
• Berekraft og rapportering: korleis støtte grøn omstilling og måla for berekraftig utvikling

Læringsutbytte

Etter fullført emne skal studenten ha tileigna seg følgjande læringsutbytte:

Kunnskap

• har innsikt i korleis læringsrom og visuelle verktøy kan nyttast i berekraftige endringsprosessar
• kjenner til DSRP som tankeverktøy for refleksjon, analyse og systemtenking
• har forståing for samanhengen mellom visuell styring, samarbeid og grøn omstilling i organisasjonar

Ferdigheiter

• kan bruke læringsrom og visuelle tavler for å strukturere og visualisere utfordringar, mål og tiltak
• kan nytte DSRP-modellen til å analysere komplekse problemstillingar og utvikle forslag til berekraftige løysingar
• kan presentere og drøfte refleksjonar og analysar i gruppe og i plenum

Generell kompetanse

• kan bidra til utviklingsarbeid som fremjar samhandling, forbetring og berekraftig drift
• kan reflektere kritisk over eigne og andres perspektiv i endringsprosessar
• kan knyte praktiske erfaringar til overordna berekraftsmål og rapportering i verksemder

Krav til forkunnskapar

Ingen

Tilrådde forkunnskapar

Det er ein fordel at deltakarane har noko erfaring frå arbeidslivet eller har kjennskap til organisasjonsarbeid, leiing eller utviklingsprosessar. Emnet bygg ikkje på spesifikke forkunnskapar, men deltakarar med interesse for berekraft, endringsleiing og tverrfagleg samarbeid vil ha særleg godt utbytte.

Emnet eignar seg spesielt for studentar og yrkesaktive med interesse for organisasjonsutvikling, berekraft, leiing og endringsarbeid

Undervisnings- og læringsformer

Undervisninga blir gjennomført som ei kombinasjon av fysiske og digitale samlingar. Emnet legg stor vekt på studentaktive læringsformer, der deltakarane arbeider med eigne og felles refleksjonar, case-studiar og praktiske oppgåver.

Det blir nytta:

• Førelesingar med døme frå arbeidslivet (både fysiske og digitale)
• Praktiske gruppeøvingar med bruk av visuell strukturering og tankeverktøy
• Refleksjonsnotat og faglege diskusjonar i plenum

Læringsaktivitetane er lagt opp slik at dei støttar utvikling av analytiske ferdigheiter, evne til samarbeid og berekraftig problemløysing i endringsprosessar.

Obligatorisk læringsaktivitet

For å få gå opp til avsluttande vurdering må studenten ha gjennomført følgjande obligatoriske læringsaktivitet:

• Munnleg veiledning med faglærar, der studenten presenterer og reflekterer over ei visuell analyse av ei aktuell utfordring. I veiledninga skal studenten nytte læringsrom og tankeverktøy frå emnet, og vise evne til å kople teori til praksi

Arbeidskravet må vere godkjent før studenten kan levere refleksjonsoppgåva. Aktiviteten er utforma for å støtte læringsutbytta knytt til individuell refleksjon, fagleg dialog og praktisk bruk av metodar for berekraftig endringsleiing.

Obligatoriske arbeidskrav er gyldig inntil tre semester.

Vurderingsform

Vurderinga i emnet er basert på:

• Individuell skriftleg refleksjonsoppgåve

Oppgåva skal vise korleis studenten nyttar teori og metodar frå emnet til å analysere ei relevant utfordring knytt til berekraft og endringsarbeid. Refleksjonsoppgåva skal også innehalde vurderingar av eigne erfaringar frå læringsaktivitetane og gruppesamarbeidet.

Vurderingsuttrykk: Karakter A-F, der A er beste karakter og F er ikkje bestått.

Hjelpemiddel ved eksamen

Alle hjelpemiddel er tillatne. Det blir forventa at studenten viser sjølvstendig refleksjon, fagleg forståing og relevant bruk av kjelder.

Kjelder skal oppgivast i tråd med akademisk praksis.

For informasjon om bruk av kunstig intelligens, se Innlevering av heimeeksamen og oppgåver - Høgskulen på Vestlandet

Meir om hjelpemiddel