ØAO019 Organisasjon og leiing 2

Innhald og oppbygging

Organisasjon og leiing 2 skal gi studentane fordjuping i fagfeltet organisasjon og leiing. Ulike teoritradisjonar og perspektiv innanfor organisasjons- og leiingsteori som på forskjellige måtar er med på å belyse organisasjons- og leiaråtferd står sentralt. Siktemålet er å gi studentane verktøy for heilskaplege analysar av korleis organisasjonar og leiaråtferd blir forma av samspelet mellom indre og ytre krefter og kva konsekvensar det har for etablering, utforming og endring av organisasjonar, samt leiarrolla i ulike kontekster.

Kurset skal bidra til å gi studentane kunnskap om moderne organisasjonar som komplekse system både i privat og offentleg sektor og korleis leiarar er forventa å utøve aktivt leiarskap innanfor skiftande rammer og forventningar som ofte kryssar kvarandre. Ei viktig utfordring er balansen mellom endring og innovasjon på den eine sida og stabilitet, kontinuitet og drift på den andre. Organisasjonsanalysar blir eksemplifisert på ulike nivå innafor og mellom organisasjonar og mellom organisasjon og samfunn. (Slik blir organisasjonar oppfatta som samansette fenomen som kan vere fleire ting på ein gong og at organisasjonar blir påverka av institusjonelle omgjevnader.)

Kurset skal også bidra til å styrke studentane si evne til å stille kritiske spørsmål og til å handtere konkrete organisasjonsproblem.

Emnet bygger på innføringskurset i organisasjon og leiing og skal gi betre fagleg grunnlag for fordjuping og spesialisering, mellom anna for arbeidet med bacheloroppgåva.

Læringsutbytte

Ved fullført kurs i organisasjon og leiing skal studentane ha oppnådd følgjande kunnskap, ferdigheiter og generell kompetanse.

Kunnskap:

• Har kunnskap om og innsikt i ulike tilnærmingar og perspektiv på organisasjon og leiing
• Forstår ulike teoriar om organisasjonsåtferd og leiingsoppgåver i forskjellige kontekstar
• Har kunnskap om endring og innovasjon i organisasjonar og deira effektar på ulike typar verksemder

Ferdigheiter:

• Kan anvende og analysere organisasjonar og leiaråtferd ut frå ulike perspektiv
• Er dyktig i å reflektere over dilemma og utfordringar ved organisering og utøving av leiing i ulike kontekstar
• Kan vurdere og forklare betydninga av endring og innovasjon for organisasjonars evne til å overleve

Generell kompetanse:

• Kan planlegge og gjennomførw organisasjons- og leiaranalysar av ulike typar verksemder, samt vurdere behov for endring og stabilitet på organisasjons- og leiingsnivå
• Kan formidle heilskapleg forståing for endrings- og innovasjonsprosessar i organisasjonar
• Kan foreslå tiltak, bidra til kritisk vurdering av organiseringsprosessar, og effektivt samarbeide og kommunisere både skriftleg og munnleg

Krav til forkunnskapar

Ingen

Tilrådde forkunnskapar

BØA112 eller tilsvarande emne

Undervisnings- og læringsformer

Arbeidsformer vil variere mellom førelesningar og arbeid i studentgrupper leia av studentane sjølve med rettleiing frå faglærar.

Obligatorisk læringsaktivitet

Ei skriftleg innleveringsoppgåve i grupper må vere bestått for å kunne ta eksamen.

Vurderingsform

Individuell skuleeksamen, 5 timar.

Bokstavkarakter: A-F, kor F er stryk.

Hjelpemiddel ved eksamen

Ingen hjelpemiddel

Meir om hjelpemiddel