Studieplan - Uteundervisning for utforskertrang, 1.-10. trinn

Innhald

Uteundervisning for utforskartrong handlar om korleis elevar og lærarar saman kan arbeide med utradisjonelle og nyskapande didaktiske tilnærmingar med variert fagleg innhald ute. Dette opnar for ei kritisk forståing av korleis elevane sitt natursyn blir forma gjennom kulturelle uttrykk og didaktiske praksisar.

I studiet blir det lagt vekt på naturferdsel, opplevingar og fagleg kunnskap, samt korleis du som lærar kan hente inspirasjon frå leik, skjønnlitteratur og digitale medium. Gjennom naturfagleg, kroppsleg og annan sansleg utforsking blir samspelet mellom natur og individ løfta fram. Det estetiske blir eksemplifisert gjennom bruk av kroppen i rørsleaktivitet, barn og unge sine møte med natur og naturfagleg kunnskap, samt møte med naturframstillingar i litteratur og dataspel.

I dette studiet blir didaktiske opplegg for uteundervisning kombinert med det å leggje til rette for barns nysgjerrigheit, engasjement og utforskartrong.

Studiet er nett- og samlingsbasert.