Etterlatte ved narkotikarelatert død (END-prosjektet)

Kvart år døyr 250-300 menneske i Noreg som følgje av narkotikabruk. Narkotikarelatert død, og situasjonen til dei rusavhengige, deira pårørande og dei etterlatne, er eit alvorleg folkehelseproblem.

«Etterlatte ved narkotikarelatert død - i et recoveryperspektiv» (END) var eit stort nasjonalt forskingsprosjekt. Det starta opp våren 2017 ved Institutt for velferd og deltaking, Fakultet for helse- og sosialvitskap, og er no avslutta.

Prosjektet har hatt ein årleg konferanse som blir vidareført i konferansen «Etterlatte ved rusrelatert død», og har også ført fram til etableringa av Landsforeningen for etterlatte ved rus (EVR).

END-prosjektet forska på kva konsekvensar og belastningar narkotikadødsfall har for nære etterlatne, korleis dei meistrar kvardagen og kva støtte dei får. Kva hjelpeapparatet gjer og ønsker å forbetre var eit viktig forskningstema. I END-prosjektet deltok forskarar frå HVL og erfaringskonsulentar.

Aktuelt

21.11.24

Vil du delta i et nytt forskningsprosjekt?

Er du mellom 12 og 23 år og har opplevd å miste en forelder med rusmiddelutfordringer? Da ønsker forskere ved Høgskulen på Vestlandet å komme i kontakt med deg.
18.11.24

Etterlatne som rusar seg er ekstra utsett

Ein ny studie viser at etterlatne som bruker narkotika, i svært liten grad blir følgt opp av hjelpeapparatet dersom ein av deira nærmaste dør i eit narkotikarelatert dødsfall.
31.10.24

Nokre ukrainske soldatar døyr som heltar, andre i skam

Krigen i Ukraina har ført til enorme tap, ikkje berre på grunn av krigshandlingane, men og som følgje av narkotikabruk. Igjen sit mange etterlatne som har mista ein av sine nærmaste, nokon i tausheit og skam.