Fire nye toppleiarar tilsett ved HVL
Høgskulestyret har i styremøtet 24. april tilsett to prorektorar og to dekanar.
Det var ved styremøtet ved HVL, campus Bergen at dei fire nye toppleiarane blei tilsett i åremål for perioden: 1.8.2025-31.7.2029.
Her er dei fire nye leiarane
- Prorektor for utdanning: Anne-Grethe Naustdal (58 år)
- Prorektor for nyskaping og regional utvikling: Øyvind Midtbø Berge (42 år)
- Dekan Fakultet for lærarutdanning, kultur og idrett: Vegard Fusche Moe (51 år)
- Dekan Fakultet for helse- og sosialvitskap: Else Cathrine L. Rustad (48 år)
Styreleiar Arvid Hallén gratulerer dei nye leiarane.
– Styret har tilsett fire leiarar med brei erfaring og solid kompetanse. Dei kjenner høgskulen, sektoren og Vestlandet godt, og dei blir viktige i arbeidet med å realisere og utvikle det nye universitetet på Vestlandet saman med tilsette, studentar og samarbeidspartnarar.
– Styret vil ønskje dei lykke til i arbeidet.
Dei fire leiarane vil frå 1. august 2025 i lag med dekan for Fakultet for teknologi, miljø- og samfunnsvitskap, Jens Kristian Fosse, prorektor for forsking, Christine Øye, og dei to direktørane Tage Båtsvik og Helge Skugstad, bli ein del av den nye leiargruppa til rektor Gunnar Yttri.
