Sirkulærdagen på Stord 22. april

Sirkulærdagen rettar fokus mot ein meir klimasmart og miljøvennleg kvardag. Kva for moglegheiter har vi innan gjenbruk, matsvinn og resirkulering? Kan vi med enkle grep leve meir berekraftige liv?

Velkomne til Sirkulærdagen på Stord! Sirkulærdagen er for tilsette, studentar og andre interesserte som vil ta turen til HVL. Målet med dagen er å bli meir bevisst, og å peike på løysingar med hovudfokus på kortreist mat, robuste barn, kle og bruk av energi.

Program 22. april

Frukostmøte
Når: 08:30-09:30
Kor: UND103
Meld deg på her

Er digitalisering bra for demokratiet? 
Kva er dei negative klimaeffektene av KI?
Kan me ta meir bevisste val av digitale verktøy og KI i undervisninga?
 
Bli med på eit spanande føredrag av Ørjan Stenseng om "KI, digitalisering og klima" på Sirkulærdagen på Stord. Hugs påmelding om du vil  ha frukost, viss ikkje du vil ha mat så er det berre til å koma som du er. 

Ørjan Stenseng

Ørjan har jobbet i elektronikk – og databransjen i over 25 år. Som leder, salgsleder, og produktsjef. CV-en består blant annet av IBM, Microsoft, Oracle, Dell og Salesforce. I alle disse årene har han trodd at digitalisering er bra for miljøet. Men de siste årene har han sett mange bevis på at det ikke er korrekt. Det han har funnet ut er alarmerende og noe han presenterer med på en faktabasert og lettfattelig måte. Han har evne til å nå frem med sitt budskap, og få deltakerne i stand til å tenke selv. "Oppsiktsvekkende ærlig, men samtidig lærerikt, morsomt og meget meget engasjerende"

Høgtlesing og interaktivitet
Når: 10:00-11:00
Kor: Biblioteket/amfiet

Vi inviterer barnehager til høgtlesing av Olle Kråkebolle! 

Folkehelsearbeid i barnehagen v/ Ruth Vihovde og Brynhild Størkersen Herheim  
Når: 11:15-12:15
Kor: UND103

Føredraget om folkehelsearbeid i barnehagen handlar om å bygge overgangskompetanse hjå barnehageborn, slik at dei skal meistre overganger til nye arenaer også seinare i livet.

Qi Gong - indre berekraft-tid 
Når: 13:00-14:00
Kor: Gymsalen

Bli med når Linda Breistig held ein Qi Gong-økt under Sirkulærdagane på Campus Stord! Qi Gong er ei gamal kinesisk heilingsmetode som vert brukt for å løyse opp spenningar og blokkeringar i kroppens energibanar. Gjennom rolige, flytande rørsler kombinert med avslappa fokus og pust, får kroppen betre føresetnader for å heile og regulere seg sjølv. 

Linda har mange års røynsle med yoga, pilates og Qi Gong. Ho har i tillegg eit solid grunnlag innan somatisk traumeterapi, stresshandsaming og fysioterapi. Dette gjev ho ein heilskapleg tilnærming som tek omsyn til både kropp og sinn.

Velkomen til ei stund med ro, rørsle og ny kunnskap!

Velkommen til bytetorg heile veka

Byt fritt blant dei ulike bytetorga, så lenge du tar same mengde som du leverer inn.
Når: Mandag 20. april kl. 10.00 - fredag 24. april
Kor: Vrimlearealet ved kantina

Kledebyte - Lever inn heile, fine og reine klesplagg, så mange du vil. Finn deg eit 'nytt' fint antrekk, eller noko anna du vil ha frå dei andre byttetorga. Ansvarlege: Mariann og Kajsa.

Plante-/stiklingsbyte - Merk plantene dine med plantenamn og sett på plantebordet. Gi ei ny plante ein god heim, eller finn noko anna du vil ha. Ansvarleg: Bente.

Bokbyte- Har du ei bok eller fleire du vil gi vekk? Plasser i bokhylla og forsyn deg med ei ny, eller noko anna du har lyst på. Ansvarleg: Hanna.