Arbeids- og kompetanseområde
Eg arbeider som høgskulelektor i kunst og handverk på campus Stord, og underviser hovudsakeleg på barnehagelærarutdanninga (BLU). Eg har utdanning som faglærar i praktiske og estetiske fag, og tilleggsutdanning som barnehagepedagog med vekt på kunstpedagogisk arbeid med dei yngste i barnehagen. Eg har master i kreative fag og læreprosessar (MaCrel) der eg forska på korleis ein kan leggje til rette for gode leikemiljø i barnehagen. Eg brenn for leiken, det mellommenneskelege og danning av heile mennesket, og arbeider derfor mykje tverrfagleg innan dei kunstnariske faga.