MACREL-NO01 Norskprofil - emne I

Innhald og oppbygging

Den norskfaglege profilen innan master i praktisk-estetiske fag og læreprosessar er eit studium av tekst og arbeid med skaping og framføring av tekst. Tekstomgrepet omfattar munnlege og skriftlege tekstar, analoge og digitale tekstar og skjønnlitterære sjangrar og fagtekstar. Sentralt i studiet står teori om skaping og framføring av munnlege og skriftlege tekstar, og teoriar om tekstars resepsjon, analyse og tolking. Didaktiske tilnærmingar til tekstarbeid vil vera gjennomgåande i problemstillingar knytt til lese- og skriveopplæring, arbeid med litteratur, munnlege og performative uttrykksformer. Også i arbeidet med det munnlege, lesing og skriving som grunnleggjande ferdigheiter i andre fag vil didaktiske tilnærmingar vera gjennomgåande. Norskfaget sin plass i skulen, i samtidskulturen og i danningshistoria, og tekstarbeid med sikte på danning og oppøving i estetisk skjønn og kritisk vurdering vil vera eit sentralt tema i studiet. Kreativt arbeid med tekst vil bli tematisert. Tekststudium som forskingsemne, kjennskap til internasjonal forsking på tekst, og teori og metodar knytt til forsking på tekst vil stå sentralt.

 

Følgjande tema blir vektlagt:

• Teori om tekst: munnleg og skriftleg tekst i ulike sjangrar og medium
• Teori om tilnærmingar til tekst: estetiske teoriar, retorisk teori, retningar innan analyse, teksttolking og tekstforståing
• Teori om og arbeid med tekstskaping, tekstframføring og dramaturgi
• Fagdidaktiske grunnlagsproblem og didaktiske tilnærmingar til arbeid med tekst

Læringsutbytte

Kunnskap:

Kandidaten har

• avansert kunnskap om skriftlege teksttypar i fortid og samtid, sjangrar, medium, argumentasjon, språklege verkemiddel og multimodale uttrykk
• spesialisert kunnskap om litteraturteori med vekt på multimodale og performative uttrykksformer
• inngåande kunnskap om tekstanalyse, diskursanalyse, tekstskaping, tekstframføring og dramaturgi

 

Ferdigheiter

Kandidaten kan

• analysera og tolka munnlege tekstar med ulike uttrykksformer kritisk
• skapa, formidla og framføra munnleg og skriftleg tekst på ein sjølvstendig måte
• leggja til rette for, rettleia og vurdera elevars skaping, formidling og framføring av tekst på ein sjølvstendig måte

 

Generell kompetanse

Kandidaten kan

• planleggja og leia arbeid med skriveprosessar, munnleg formidling og framføring
• vera ein ressurs i fagleg samanhengar i spørsmål om tekstkunnskap

kan bidra til nytenking i innovasjonsprosessar i norskfaget

Krav til forkunnskapar

- ingen

Tilrådde forkunnskapar

Ingen

Undervisnings- og læringsformer

Arbeidsmåtar i studiet kan omfatta førelesingar, fellesdrøftingar, seminar, prosjektorganisert læringsarbeid, og ulike former for individuelt arbeid med rettleiing og bruk av nettbaserte ressursar. Skriving av skjønnlitterære tekstar og formidling og framføring av munnlege tekstar kan inngå i studiet.

Obligatorisk læringsaktivitet

Årsplanen/semesterplanen gir detaljert informasjon om studiekrav som må oppfyllast for å få vurdering i emnet. Dette kan vera:

• deltaking i førelesingar, seminar og samlingar, og felles drøftingar på studiestaden og på nett
• innlevering av tekstar og oppgåver, rapportar og refleksjonsnotat, og framføring og formidling av munnlege tekstar.
• Deltaking i prosjektarbeid, presentasjonar og rettleiing.

Vurderingsform

-

Hjelpemiddel ved eksamen

Alle skrivne og trykte hjelpemidler

Meir om hjelpemiddel