BLU3-1009 Musikk med dei minste
Emneplan for studieåret 2018/2019
Innhald og oppbygging
Ein vil i hovudsak konsentrere seg om følgjande fem hovudarbeidsområde:
- Barnehagen som organisasjon
- Pedagogisk leiing og kritisk refleksjon
- Samarbeid, musikalsk samspel og kommunikasjon i barnehagen
- Dei yngste borna i barnehagen
- Praktiske disiplinar/handverksemne i musikk
Læringsutbytte
Ved fullført emne skal studenten ha følgjande læringsutbytte:
Kunnskapar
Studenten
- har kunnskap om relevant forsking og lovverk, ulike teoriar og metodar knytt til leiing generelt og leiarrolla i barnehagen spesielt
- har kunnskap om organisasjonsteori, organisasjonskultur, barnehagen som lærande organisasjon og kan ta denne kunnskapen i bruk i høve eiga leiarrolle
- har kunnskap om samarbeidsprosessar mellom barn, personale, føresette og eksterne aktørar
- har kunnskap om musikalsk samspel i ulike miljø
- har kunnskap om barns musikalske kvardag i ulike miljø
- har kunnskap om musikk som kommunikasjon
Ferdigheiter
Studenten
- kan leie og rettleie medarbeidarar med ulik bakgrunn og ulike føresetnadar og reflektere over og utvikle eiga leiarrolle
- kan ta i bruk ulike metodar i utviklings- og endringsprosessar og utvikle gode former for samarbeid
- kan mestre ulike dokumentasjonsformer og kan bruke dokumentasjon som grunnlag for systematisk arbeid og refleksjon
- kan utvikle og formidle musikkopplevingar for barnehageborn i ulike miljø
- kan bruke musikk gjennom eigen utøving av song, spel og rørsle
- kan legge til rette for og utvikle stimulerande musikkopplevingar i barnehagen
- kan reflektere over barns livsverden
Generell kompetanse
Studenten
- har innsikt i tilhøve som legg rammer for leiing av endrings- og utviklingsprosessar og kunne reflektere kritisk
- meistrar kommunikasjon med barn, føresette, personalet og eksterne samarbeidspartnarar
- kan vidareutvikle barnehagen og barnehagelærarrolla, ta sjølvstendige val og sjå barn sin oppvekst i eit samfunn i endring
- kan kritisk vurdere eiga leiarrolle og fagleg didaktisk arbeid knytt til musikk i barnehagen
Krav til forkunnskapar
Gjennomført obligatorisk 150 studiepoeng i barnehagelærarutdanninga
Undervisnings- og læringsformer
Praktisk undervisning i song og spel, førelesningar, sjølvstudium, gruppearbeid, prosjektarbeid, øvingar
Obligatorisk læringsaktivitet
- ei praktisk gruppeoppgåve knytt til prosjektarbeid i musikk
- ein fagtekst om eiga leiarrolle i barnehagen
- obligatorisk oppmøte (80 %)
Vurderingsform
Vårsemesteret
Prosjektrapport: Prosjektarbeid i gruppe knytt til musikk som skal avsluttast med ein skriftleg rapport Vekting: 60%
Ved stryk eller forbetring av prosjektoppgåva, kan studenten levere omarbeidd tekst.
Individuell munnleg eksamen Vekting: 40%
Graderte karakterar (A-F)