BØ6-2007 Vidaregåande finansrekneskap

Innhald og oppbygging

Kurset bygger vidare på kursa BØ6-1010 Innføring i bedriftsøkonomi og rekneskap og BØ6-1011 Finansrekneskap med analyse eller tilsvarande. Kurset sitt innhald er todelt og dekker emna vidaregåande finansrekneskap og rekneskapsteori. Vidaregåande finansrekneskap gir studentane ei fordjuping i dei mest sentrale utfordringane med innrekning, måling og presentasjon ved avslutning av årsrekneskapen i samsvar med god rekneskapsskikk. Hovudfokus i denne delen vil vere å vidareutvikle innsikt i rekneskapslovgiving og god rekneskapsskikk med vekt på NRS standardane. Delen inkluderar fordjuping i enkelte emne som til dømes skatt, anleggskontraktar, driftsmidlar, eigenkapitaltransaksjonar og innføring i konsernrekneskap. Rekneskapsteori gir grunnlag for å reflektere over sentrale delar av det teoretiske fundamentet for finansrekneskapen etter god rekneskapsskikk (GRS) og internasjonale rekneskapsstandardar (IFRS).

Innhald:

• Fordjuping i rekneskapslovgiving og god rekneskapsskikk, herunder skatt, anleggskontraktar og driftsmidlar
• Eigenkapitaltransaksjonar
• Konsernrekneskap
• Hovudelement, ulikskapar og utvikling innan norske (GRS) og internasjonale (IFRS) rekneskapsreglar

Læringsutbytte

Kunnskapar

Studenten skal ved fullføring

• ha inngåande kunnskap om innrekning og måling av dei viktigaste rekneskapspostane og grunnleggande rekneskapsprinsipp
• kjenne til regelverket for notar og årsmelding
• ha god kunnskap om regelverket for eigenkapital og eigenkapitaltransaksjonar
• kjenne til formålet med og hovudprinsippa ved utarbeiding av eit konsernrekneskap
• ha forståing for og kan reflektere over resultat- og balanseorientering
• ha kunnskap om det konseptuelle rammeverket til IFRS (International Financial Reporting Standards)
• ha forståing for og kan reflektere over norsk og internasjonal rekneskapsutvikling 

Ferdigheiter

Studenten skal ved fullføring

• kunne handsame sentrale måle- og vurderingsproblem innan rekneskap
• kunne sette opp meir komplekse skatteberekningar
• kunne rekne ut og bokføre ulike eigenkapitaltransaksjonar
• kunne utarbeide eit enkelt konsernrekneskap med og utan minoritetsinteresser
• kunne rekne ut og forklare ulik rekneskapsmessig behandling mellom GRS og IFRS på gitte emne

Generell kompetanse

Studenten skal ved fullføring

• kunne tilleigne seg rekneskapsteoretisk kunnskap gjennom lesing av fagartiklar
• kunne formidle sentralt fagstoff gjennom relevante uttrykksformer og kan utveksle synspunkt og røynsler med andre fagpersonar
• kunne nytte kunnskapen på praktiske rekneskapsproblemstillingar
• vere kjent med bakgrunnen for utviklingsarbeidet internasjonalt og kva konsekvensar det vil kunne ha for rekneskapsreguleringa i Noreg

Krav til forkunnskapar

Sjå "Anbefalte forkunnskaper"

Tilrådde forkunnskapar

Innføring i bedriftsøkonomi og rekneskap (BØ6-1010) og Finansrekneskap med analyse (BØ6-1011) eller tilsvarande 

Undervisnings- og læringsformer

Førelesingar og oppgåveseminar

Obligatorisk læringsaktivitet

To skriftlege arbeidskav som skal løysast individuelt eller i gruppe. Eit ikkje-godkjent arbeidskrav gir rett til eit nytt forsøk.

Arbeidskrav må vere godkjende før ein kan framstille seg til eksamen

Vurderingsform

Skriftleg skuleeksamen, 4 timar

Karakterskala: A-F

Hjelpemiddel ved eksamen

Lovlege hjelpemiddel:

• programmerbar kalkulator
• lovsamling eller utskrift frå lovdata

Meir om hjelpemiddel

Fagleg overlapping

• BØ6-2000 - Finansrekneskap 2 - Reduksjon: 2,5 studiepoeng
• ØKB3118 - Rekneskapsteori - Reduksjon: 6 studiepoeng