MPUV502A Spesialpedagogikk 2 - Psykososial utvikling og utfordringar

Innhald og oppbygging

Emnet skal gi avansert og inngåande kompetanse i å kartlegge, planleggje, gjennomføre og vurdere pedagogisk utviklingsarbeid med fokus på læringsstøtte og didaktikk. Emnet vektlegg ulike forskings- og teoriperspektiv innan spesialpedagogikk. Emnet bygger på ei forståing av miljøets sentrale betydning for barn og unges psykiske helse.

I dette emnet skal ein få innsikt i førebygging av psykososiale utfordringar, samt implementasjon av pedagogikk og utviklingsstøtte i ein samfunnsmessig kontekst, retta mot eit livsløpsperspektiv, samt folkehelse og livsmeistring, i tillegg til å utvikle yrkesetisk refleksjon og profesjonsfagleg læringsstøtte. Spørsmål relatert til leiing av utviklingsarbeid i ein læringskontekst står sentralt. Studiet er basert på studentaktive læringsformer.

I emnet vil følgjande tema bli vektlagt:

• Menneske i eit livsløpsperspektiv
• Refleksjon og dømmekraft ved tilrettelegging for god individuell og sosial utvikling
• Ulike kunnskapssyn knytt til psykososial utvikling
• Utagerande og inneverande åtferdsvanskar, sjølvskading og sjølvmord
• Fråfallsproblematikk, kriminalitet, mobbing
• Psykososiale utfordringar
• Ulike aldersgrupper i mangfaldige læringsmiljø
• Vurdering, bruk og utvikling av psykososial utviklingsstøtte
• Folkehelse og livsmeistring i eit livsløpsperspektiv

Læringsutbytte

Emnet skal bidra til at kandidaten oppnår følgjande læringsutbytte:

Kunnskapar

Kandidaten:

• Ha inngåande kunnskap om spesialpedagogikk som profesjonsfag og forskingsfelt på individ-, gruppe- og systemnivå
• Ha inngåande kunnskap om psykososial utvikling og utfordringar
• Ha inngåande forståing for psykososiale risikofaktorar
• Ha kunnskap i utvikling av forebyggande miljø for utvikling av god psykososial åtferd på ulike alderstrinn
• Ha kunnskap om forskings- og utviklingsarbeid innanfor feltet psykososial utvikling

Ferdigheiter

Kandidaten:

• Kunne identifisere, igangsette og prioritere relevante tiltak for psykososial utvikling i eit livsløpsperspektiv
• Kan analysere og reflektere over læraren sin rolle
• Kan kritisk vurdere og reflektere over ulike pedagogiske intervensjonar
• Kan vurdere og implementere læringsressursar i ein spesialpedagogisk fagleg kontekst, med utgangspunkt i forskingsresultat og relevante læringsteoriar
• Kan bruke og utvikle læringsressursar og program
• Kan bruke læringsressursar knytt til demokrati og medborgarskap samt folkehelse og livsmeistring
• Kan tenke forebyggande tiltak og program overfor psykososial åtferd og psykisk helse

Generell kompetanse

Kandidaten:

• Kan oppdatere sin eigen praksis og faglege innsikt med utgangspunkt i forskingsbaserte publikasjonar
• Kan kritisk reflektere over etiske problemstillingar knytt til spesialpedagogiske utfordringar
• Kan arbeide med kvalitetsutvikling av ulike læringsressursar og tiltak
• Kan vurdere mogelegheiter og utfordringar ved bruk av individuell læringsstøtte
• Kan kommunisere om spesialpedagogiske problemstillingar med elevar, foreldre og profesjonelle
• Kan planlegge forebyggande tiltak basert på nasjonale kartleggingar

Undervisnings- og læringsformer

Emnet vil bli lagt opp med samlingar, fellesundervisning, nettmøte, samt eige arbeid og rettleiing (individuelt og i gruppe) mellom samlingane.

Det er inntil to samlingar á 3 dagar i emnet.

Obligatorisk læringsaktivitet

• Gjennomføre og levere oppgåver som førebuing til samlingane
• Framlegging av arbeid på samlingar
• Arbeid med praksisbaserte oppgåver eller utfordringar (individuelt og i grupper) mellom samlingane
• Innlegg munnleg og skriftleg på nettmøte, diskusjonar (i grupper og i plenum)

Vurderingsform

Eksamen består av to deler:

• Innlevering av skriftleg mappa med innsikt i skulen sitt arbeid med spesialpedagogiske problemstillingar innan psykososial utvikling og psykisk helse og klasseleiing. Vekta 50%.
• Individuell skriftleg eksamen ved avslutting av semesteret. Vekta 50%.

Karakterskala: A - F, der F svarar til ikkje bestått.

Hjelpemiddel ved eksamen

Alle tillate hjelpemiddel

Meir om hjelpemiddel