MASIKT-DIG Digitale verktøy i utdanning og opplæring

Innhald og oppbygging

Emnet skal gi kunnskap og innsikt i ulike kategoriar digitale verktøy til bruk i læringsarbeid, og den læringsteori som ligg til grunn for ei slik kategorisering. Her vil det vera naturleg å studera utviklingslinjer gjennom dei siste ti-åra, både teknologisk, læringsteoretisk og utdanningspolitisk.

Følgjande tema vil bli vektlagt:

• digital kompetanse/21st century learning
• IKT og læringsteori
• IKT i planar - og i alle fag
• digital didaktikk/undervisningsplanlegging
• Web 2.0 og PLN (personleg læringsnettverk)
• digitale læringsressursar
• e-læring

Læringsutbytte

Kunnskap

Studenten

• har avansert kunnskap om omgrepet digital kompetanse
• har inngåande kunnskap om relevante teoretiske perspektiv knytt til IKT og klasseromspraksis
• har spesialisert innsikt i - og ei reflekterande haldning til typar av digitalt læremateriell
• har avansert kunnskap om kategoriar av digitale verktøy
• har inngåande kunnskap om nye perspektiv på undervisningsplanlegging i teknologitette læringsmiljø
• har inngåande kunnskap om praktiske døme på bruk av digitale verktøy og læringsressursar
• kan analysera nettlæraren og netteleven sine roller og handlingar i e-læringssituasjonar
• har brei kunnskap om sentrale tema, teoriar, problemstillingar, prosessar, verktøy og metodar innan emnet

Ferdigheiter

Studenten

• kan bruka IKT og Internett for å variera, aktualisera og effektivisera i fagleg lærings- og utviklingsarbeid på ein sjølvstendig måte
• kan analysera og reflektera over digitale kompetansekrav for elevar, lærarar og læringsinstitusjonar
• kan skildra, reflektera over og vurdera korleis IKT påverkar form, innhald og kvalitet i undervisning og læring
• kan drøfta bruk av digitale verktøy og vurdera ulike teoriar og forskingsresultat innan dette feltet
• kan finna, vurdera og visa til gode IKT-døme på integrering av IKT i fagundervisning
• kan på sjølvstendig vis velja, organisera og tilpassa eit personleg læringsmiljø
• kan bruka fagleg kunnskap og relevante resultat frå forskings- og utviklingsarbeid på praktiske og teoretiske problemstillingar
• kan bruka relevante digitale verktøy for undervisning/læring
• kan reflektera over eiga undervisning der bruk av digitale verktøy inngår

Generell kompetanse

Studenten

• kan oppdatera sin eigen praksis basert på forskingsbaserte faglege innspel
• kan kritisk reflektera over problemstillingar knytt til samspelet mellom læring, fag og IKT
• kan arbeida vitskapleg, sjølvstendig og saman med andre for å identifisera, analysera og løysa utfordringar knytte til læring ved bruk av digitale verktøy
• kan utveksla synspunkt og erfaringar digitalt med bakgrunn i fagområdet og gjennom dette bidra til innovasjon og utvikling av kunnskap og god praksis

Krav til forkunnskapar

- Ingen

Tilrådde forkunnskapar

-

Undervisnings- og læringsformer

Opplegget inneheld førelesingar, rettleiing, nettdiskusjonar, nettbaserte ressursar og arbeid med mappeelement. Faglærarar og studentar samarbeider via ei digital læringsplattform. Arbeidskrav vil inngå i arbeidet med emnet.

Obligatorisk læringsaktivitet

Det er obligatorisk frammøte på startsamling og nettmøte (80 %) og deltaking i digitale diskusjonsforum.

Vurderingsform

Mappeeksamen: Ei samling med etterprøvbare arbeid som er produsert i ein avgrensa periode. Mappa får ein samla karakter. Informasjon om innlevering og vurdering av mappeelementa vert fastsett før oppstart av undervisninga.

Hjelpemiddel ved eksamen

Alle hjelpemiddel er tillatne.

Meir om hjelpemiddel