BIO203 Medisinsk laboratorieteknologi II - Immunologiske metodar

Innhald og oppbygging

Medisinsk laboratorieteknologi II - Immunologiske metodar tek for seg prinsipp for ulike laboratorieanalyser og metodikk som blir nytta i dei medisinske laboratoria på tvers av spesialitetar. For å gje studentane innsikt og forståing for medisinsk laboratorieteknologi, byggjer emnet både på teori og praktiske laboratorieerfaringar. Emnet fokuserer på ulike immunologiske teknikkar og spektrofotometri som deteksjonsprinsipp.

Målet med emnet er å gje studenten metodekunnskap for bruk i de medisinske emna og er delt inn i følgjande tema:

• Grunnleggjande prinsipp for immunologiske teknikkar 

• Fordelar og ulemper med immunologiske teknikkar 

• Meir detaljert metodeprinsipp for nokre immunologiske metodar 

• Preanalytiske forhold som har innverknad på analyseresultat ved bruk av spektrofotometri og immunologiske teknikkar 

• Praktisk laboratoriearbeid med klinisk relevante immunologiske metodar.

Læringsutbytte

Etter gjennomført emne har studenten følgjande læringsutbytte definert i kunnskap, ferdigheiter og generell kompetanse:

Kunnskap

Studenten

• Kan forklare grunnleggjande teori som ligg bak immunologiske teknikkar

• Kjenne til detaljerte prinsipp for utvalgte immunologiske metodar

• Kjenne til utstyr og ulike deteksjonsprinsipp for immunologiske metodar

• Kjenne til interferens og påverknad på analyseresultat

Ferdigheiter

Studenten

• Kan sjølvstendig utføre laboratorieanalyser etter prosedyre

• Kan meistre ulike teknikkar, utstyr og instrumentering for immunologiske metodar innan medisinske laboratorieanalyser 

• Kan vurdere analysesvar for immunologiske metodar, deira pålitsgrad og kvaliteten av laboratoriearbeidet 

• Kan presentere og diskutere laboratorieanalyser og analysesvar 

• Kan skrive ein naturvitskapleg rapport.

Generell kompetanse

Studenten

• Kan reflektere over eige kompetanseområde og fagleg utøving

• Kan arbeide både sjølvstendig og i grupper

Krav til forkunnskapar

Tilsvarande krav til opptak i andre studieår som definert i studieplan for bioingeniørutdanninga.

Tilrådde forkunnskapar

• BIO173 Organisk kjemi og biokjemi

• BIO174 Cellebiologi

Undervisnings- og læringsformer

Det vert nytta varierte undervisningsformer i emnet, så som førelesingar, e-læring, oppgåver, problembasert læring, medstudentvurdering og kunnskapstestar, både i grupper og individuelt, samt diskusjonsforum. Studentane får tilbakemeldingar og rettleiing på praktisk laboratoriearbeid og innleverte arbeidskrav. Den digitale læringsplattforma Canvas nyttast i emnet.

Obligatorisk læringsaktivitet

Presentasjon av utreiing av ein kasuistikk som inneheld fleire immunologiske metodar sett saman slik at dei fører fram til ein konklusjon, godkjent laboratoriekurs og rapport etter fullført laboratoriearbeid.

Det blir berre sett opp eitt laboratoriekurs i emnet. Studentar som ikkje er til stades, eller av andre grunnar ikkje får godkjent obligatorisk laboratoriekurs, vil difor ikkje kunne ta nytt laboratoriekurs inneverande semester. Studentar som ikkje får godkjent laboratoriekurs må dermed vente til neste gong emnet blir undervist. 

Ein student har berre rett på 2 forsøk i eit laboratoriekurs totalt.

Godkjende arbeidskrav er gyldig i seks påfølgjande semester.

Vurderingsform

Digital skuleeksamen, 3 timar.

Karakterskala A-F, der F tilsvarer ikkje greidd.

Hjelpemiddel ved eksamen

Ingen

Meir om hjelpemiddel