HSPED801 Innføring i universitetspedagogikk

Innhald og oppbygging

Emnet er samlingsbasert og går over to samlingar med tilhøyrande før- og etterarbeid. Emnet gir ei innføring i feltet høgskulepedagogikk. Studiet har ein kritisk reflekterande og forskande tilnærming til utvikling av læring og undervisning i høgare utdanning.

For dei som tek emnet for å dokumentera utdanningsfagleg kompetanse vil oppgåvene frå Innføringsemnet kunne nyttast i den pedagogiske mappa

Læringsutbytte

Kunnskap

Gjennom å delta i emnet skal deltakarane

• Ha kunnskap om innhald og rammer for høgskulepedagogikk som fag- og vitskapsfelt ved Høgskulen på Vestlandet
• Kjenne til ulike teoretiske perspektiv på kunnskap, læring og vurdering
• Ha kunnskap om faktorar som kan påverke læringsmiljøet i høgare utdanning
• Kjenne til mogleikar og utfordringar knytt til bruk av teknologi i læringsarbeidet i høgare utdanning

Ferdigheiter

Gjennom å delta i emnet skal deltakarane kunne

• Planlegge, gjennomføre og vurdere eiga undervisning i tråd med retningslinene i kvalifikasjonsrammeverket
• Rettleie studentar og kollegaer i læringsarbeidet
• Vurdere studentane si læring

Generell kompetanse

Gjennom å delta i emnet skal deltakarane kunne

• Ha eit profesjonelt og yrkesetisk medvit til eiga rolle som underviser og del av høgskulen sitt faglege og kollegiale fellesskap
• Ha ei kritisk og analytisk haldning til planlegging, gjennomføring og evaluering av eiga og andre si undervisning

Krav til forkunnskapar

Ingen

Undervisnings- og læringsformer

Studentaktive læringsformer som diskusjon, gruppearbeid og kollegarettleiing, førelesing og sjølvstudium, digitale læringsressursar og fysiske og nettbaserte samlingar.

Obligatorisk læringsaktivitet

• Deltaking på kollegarettleiing
• Deltaking på samlingane

Vurderingsform

Ei skriftleg oppgåve, ca. 2000 ord.

Karakter bestått/ikkje bestått.

Hjelpemiddel ved eksamen

Alle

Meir om hjelpemiddel