LKBD401 Leiing og kulturkompetanse i barnehagen

Innhald og oppbygging

Emnet har eit særleg fokus på personalet i samanheng med barns livsvilkår knytt til sosial og kulturell variasjon. Dette inkluderar mellom anna migrasjon, minoritets- og majoritetsperspektiv, makt, leiing og etisk og kritisk refleksjon knytt til kulturelt mangfald. Eit lærande og endringsfokusert personale med bevisstheit kring tilhøyrigheit, inkludering og identitet kan ivareta sosial og kulturell bærekraft i barnehagen.

Emnet er knytt til følgjande tre områder:

• Verden i barnehagen - livssyn, religion, ulikskap og individuelle føresetnader
• Pedagogisk leiing, kritisk refleksjon og haldningsarbeid som leiar i eit personale
• Danning og interkulturell kompetanse knytt til den fleirkulturelle barnehagen

Kunnskapsbasen bygger på faga pedagogikk, samfunnsfag og RLE.

Læringsutbytte

Ved fullført emne skal studenten ha følgjande læringsutbytte:

Kunnskapar

Studenten

• har kunnskap om makt, medverknad, likeverd og mangfald i demokratiske prosessar knytt til barn, foreldre- og personalsamarbeid
• har kunnskap om interkulturell kompetanse og interkulturell kommunikasjon
• har kunnskap om komparative perspektiv på sosialisering og ulike oppdragelsesideal, samt forskjellane mellom kulturforståing og kulturalisering, knytt til foreldresamarbeid
• har kunnskap om filosofiske og etiske problemstillingar knytt til samfunnet på lokalt, nasjonalt og internasjonalt nivå
• har kunnskap om organisasjonsteori, organisasjonskultur, den mangfaldige barnehagen som lærande organisasjon og kan ta denne kunnskapen i bruk i høve eigen leiarrolle

Ferdigheiter

Studenten kan

• Reflektere over filosofiske, etiske, religiøse og kulturelle problemstillingar i barnehagen
• Identifisere og reflektere rundt ulike maktforhold i den fleirkulturelle barnehagen
• Kan sjølvstendig og i lag med andre planlegge og setje i gang bevisstgjeringsprosessar knytt til personalet sine haldningar til mangfald, og setje i gang endringsprosessar knytt til tverrkulturell kompetanse
• Praktisere og leie fleirkulturelt foreldre- og personalsamarbeid i samanheng med eigne verdiar, normer og grunnleggande haldningar
• Praktisere og leie det pedagogiske arbeidet i den mangfaldige barnegruppa med bevisstheit kring ulikskap som utfordring og mulegheit

Generell kompetanse

Studenten

• Kan analysere og vurdere etiske dilemma ut i frå barnehagen sitt verdigrunnlag og samfunnsmandat
• Reflektere over barnehagen som ein arena for kultur- og religionsformidling, verdiar og danning. Samt sjå barn sin oppvekst i eit samfunn i endring
• Er kritisk reflekterande til eigne verdiar, normer og handlingspraksis
• Kan vidareutvikle barnehagen og barnehagelærarrolla knytt til den fleirkulturelle barnehagen som lærings- og inkluderingsarena
• Kan leie haldningsskapande arbeid med personalet i barnehagen og knytt til samarbeid med heimen

Krav til forkunnskapar

Emnet SRLE201/SRLE202/SRLED301 må vere bestått

Undervisnings- og læringsformer

Undervisninga i emnet kan bestå av førelesingar, seminar, gruppediskusjonar og andre obligatoriske og studentaktive læringsformer, både individuelt og i grupper.

 

Praksis 4.studieår

Vidareutvikling av profesjonsretta kompetanse

Studenten skal fokusere både på eigen yrkesidentitet og barnehagen sitt samfunnsmandat og kunne reflektere over dette. Studenten skal:

• auke si generelle pedagogiske leiarkompetanse
• stå fram som barnehagelærar og kunne reflektera rundt ulike sider ved profesjonsutøvinga generelt og fordjupinga spesielt

Obligatorisk læringsaktivitet

Oversikt over dei obligatoriske læringsaktivitetane vil bli gitt ved semesterstart.

Dei obligatoriske læringsaktivitetane er knytta til læringsutbytta i emnet. 

Godkjent obligatorisk deltaking, minimum 80%.

2 individuelle oppgåver

2 gruppeoppgåver, knytt til eit avgrensa lærings-/utviklingsarbeid

Dei obligatoriske læringsaktivitetane vurderes til godkjent/ikkje godkjent. Dersom ikkje godkjent, får student eit nytt forsøk. Alle oppgåvene må vere godkjende seinast 2 veker før eksamen.

Vurderingsform

Individuell skriftleg prosjektrapport. 

Karakterskala A - F, der F tilsvarar ikkje bestått.

Ved ikkje bestått (F) kan studenten levere omarbeidd tekst ein gong.

Hjelpemiddel ved eksamen

Alle

Meir om hjelpemiddel