ANE510 Anestesisjukepleie. Kvalitet og fagleiing

Innhald og oppbygging

Emnet omhandlar stressreaksjonar og meistringsstrategiar hjå akutt kritisk sjuke pasientar og deira pårørande. Vidare er anestesisjukepleiaren sitt funksjonsområde i arbeidet med å førebygge/redusere stress. Emnet omhandlar profesjonell identitetsdanning og den historiske utviklinga til anestesisjukepleiaren. Fagleg leiing, pedagogisk kompetanse, økonomiske og organisatoriske forhold som har betydning for utøving av anestesisjukepleie er òg vektlagt i emnet.

Emnet omhandlar grunnlaget for å vurdere dagens praksis i anestesisjukepleie, basert på best tilgjengelege kunnskap og forsking, samt samanhengen mellom fysisk og psykososialt arbeidsmiljø, stress og pasientsikkerheit.

• Anestesisjukepleia si historie, identitetsdanning, funksjon, og ansvarsområde
• Møte med den akutt kritisk sjuke
• Sjukdomsforståing, pasientmedverking og pasienterfaringar
• Organisering av helse- og omsorgstenesta
• Opplevingar, reaksjonar og meistringsstrategiar hos pasientar og pårørande i alle aldrar(pasienterfaringar)
• Profesjonens etiske retningsliner, relevante lover og forskrifter
• Fagleg leiing
• Dokumentasjon
• Stressreaksjonar og meistringsstrategiar, førebygging/redusering av arbeidsbelastningar
• Pasientsikkerheit
• Kommunikasjon
• Språk og kulturkompetanse
• Pedagogiske prinsipp
• Fagspesifikt og tverrfagleg samarbeid
• Forskings- og kvalitetsarbeid

Emnet er bygd opp rundt anestesisjukepleia sitt grunnlag i kritisk tenking, analyse, etiske retningslinjer, aktuelle lover og forskrifter, kultur samt sentral teori og forsking.

Læringsutbytte

Ein student med fullført emne skal ha følgande totale læringsutbytte definert i kunnskap, ferdigheiterog generell kompetanse:

Kunnskap:
Studenten…

• har inngåande kunnskap om anestesisjukepleia si profesjonelle identitetsdanning, eigenart, fagområdet si historie, tradisjon og plass i samfunnet
• har avansert kunnskap om akutt og/eller kritisk sjuke, frå det premature barnet til den komplekse pasienten med samansette lidingar
• har avansert kunnskap om kommunikasjon, opplevingar, reaksjonar ogmeistringsstrategiar hos pasientar og pårørande
• har inngåande kunnskap om helsekompetanse, kva betydning kultur- og språkbakgrunnhar for sjukdomsforståing, pasientmedverknad og pasienterfaringar innananestesisjukepleie
• har inngåande kunnskap om fysisk og psykososialt arbeidsmiljø, stressreaksjonar ogmeistringsstrategiar, og korleis arbeidsbelastningar kan førebyggast og reduserast
• har inngåande kunnskap om pasientsikkerheitsteori, kvalitets- og forbetringsmetodikk, og innovasjon innafor anestesisjukepleie
• har inngåande kunnskap om betydninga av fagspesifikt og tverrfagleg samarbeid og kommunikasjon, på individ-, gruppe- og organisasjonsnivå• har inngåande kunnskap om leiing av eige fagområde
• har inngåande kunnskap om helse- og omsorgstenestene si organisering, profesjonensetiske retningslinjer, relevante lover og forskrifter, inkludert krav til dokumentasjon av anestesi
• har avansert kunnskap om pedagogiske prinsipp i undervisning og rettleiing til kollegaer og studentar
• har spesialisert innsikt kunnskapsbasert praksis og i metodiske tilnærming i forskings- og kvalitetsarbeidet innan det aktuelle feltet

Ferdigheiter:
Studenten…

• kan sjølvstendig bruke anerkjente pedagogiske prinsipp til å rettleie og undervise
• kan analysere og forholda seg kritisk til kunnskap om kommunikasjon og meistringsstrategi for å ivareta pasient og pårørande
• kan bruke pedagogiske prinsipp og metodar til å rettleie og undervise studentar og kollegaer
• kan analysere og forholda seg kritisk til utvikling, nytenking og innovasjon
• kan analysere uønskte hendingar og bidra til systematisk læring
• kan analysere og forholda seg kritisk til forskings-, bruker- og erfaringskunnskap for å medverke til utvikling av tenesta

Generell kompetanse:
Studenten…

• kan analysere kliniske problemstillingar i lys av profesjonen sine etiske retningsliner
• kan analysere og kritisk vurdere nasjonale og internasjonale retningsliner si betyding for faget, og sette det inn i ein kontekst for anestesisjukepleiaren si rolle i helsetenesta
• kan analysere og ta sjølvstendig stilling i etiske dilemma
• kan analysere og kritisk vurdere samspelet mellom faget sine historiske tradisjonar, samfunnet sitt behov og helsetenesta si utvikling
• kan bidra til god pasientsikkerheitskultur og eit godt arbeidsmiljø for å ivareta pasient, pårørande og kollegaer ved uønskte hendingar og forebygge pasientskader
• kan analysere og vurdere eigekompetansenivå og konsultere relevant personell ved behov
• kan analysere komplekse og kritiske situasjonar i samsvar med helselovgiving og profesjonsetikk

Krav til forkunnskapar

Ingen

Undervisnings- og læringsformer

Varierte undervisnings- og læringsformer blir nytta i emnet med ressursforelesningar, digitale læringsformer, gruppearbeid, studentpresentasjonar, observasjonspraksis, rettleiing individuelt og i grupper og sjølvstudium.

Obligatorisk læringsaktivitet

Følgande obligatoriske læringsaktiviteter må være godkjent for at studenten kan framstille seg til eksamen:

1. Ei veke praksisstudium
2. Gruppearbeid med studentpresentasjonar og medstudentrespons

Godkjent obligatorisk arbeidskrav er gyldig i dei to påfølgande semestera.

Vurderingsform

Oppgåve i gruppe

Grupper på 2-3 studentar og dei får utlevert oppgåve ved oppstart av emnet. Ved gruppeeksamen skal alle deltakarane i gruppa bidra til eit felles produkt. Karakteren på produktet skal vere lik for heile gruppa. Oppstår det tvil om ein student bidreg eller har bidrege tilstrekkeleg til å få utteljing for eit felles produkt skal det hentast inn skriftleg individuell fråsegn frå alle gruppemedlemene og fagleg rettleiar eller emneansvarleg.

Omfang: Inntil 2500 ord.

Vurderingsuttrykk

Gradert karakterskala A til F, der A til E er beståtte karakterar og F er ikkje bestått.

Ny eksamen

Ved ikkje bestått oppgåve må studenten skrive ei ny oppgåve til ny eksamen

Bestått gruppeeksamen kan ikkje forbetrast.

Hjelpemiddel ved eksamen

Alle

Meir om hjelpemiddel